Charter Document - 05810088
| Charter Number: | 05810088 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1206 |
| Date type: | Internal, Regnal |
| Resource Link(s): |
|
Charter:
Hec est finalis composicio facta inter Priorem et monachos Lanc[astrie] ex una parte et Ricardum de Sengelton et Robertum clericum fratrem ejus et heredes eorum et Ricardum de Workedel et Matildam uxorem ejus ex alia parte super dimidia carrucata terre in Pultona pro qua predicti Prior et monachi illos in placitum trahebant scilicet quod predictus R de Sengleton resignavit cartam suam predictis Priori et monachis Lanc[astrie] quam habuit de predicta dimidia carrucata terre cum pertinenciis in Pulton et tam ipsi Ricardus et Robertus frater ejus et heredes eorum quam Ricardus de Workedel et Matilda uxor ejus totum clamium et jus si quod habuerunt in predicta terra quietum imperpetuum clamaverunt de se et heredibus suis predictis Priori et monachis Lanc[astrie] Predicti vero Prior et monachi predictam terram illi in vita sua de eisdem tenendam concesserunt reddendo inde annuatim ecclesie beate Marie Lanc[astrie] duos solidos ad duos terminos scilicet xij d ad Pentecosten et xij d ad festum Sancti Martini Elapso vero termino vite sue licebit predicte Matilde uxori ipsius R[icardi] si superstes fuerit predictam terram cum pertinenciis suis per unum annum tantum integrum tenere ut fructus suos inde colligat et melius sibi provideat quo transacto predicta terra libera et quieta a predictorum impedimento predictis Priori et monachis imperpetuum remanebit nisi ipsa Matilda per graciam Prioris et monachorum eam ulterius habere poterit Juraverunt autem predicti R et sui quod non habebant aliud instrumentum de predicta terra quam quod fuit resignatum et si quod aliud instrumentum retentum fuerat nil firmitatis obtinebit Juraverunt eciam predicti R et R et heredes sui quod nichil juris vel possessionis in predicta terra post terminum completum sibi vendicabunt Facta est autem composicio hec vij anno coronacionis Regis Johannis G filio Petri tunc justiciaris Anglie et G filio Rainfredi tunc vicecomite Lanc[astrie] Hiis testibus G filio Raynfredi Henrico Senescallo Willelmo Pincerna Willelmo Gernet Rogero de Burton Ada de Yaland Henrico de Kellet Waltero de Parles Johanne de Thoraldesholm R Abbate de Kokersand W Priore de Kermell Ada decano Lanc[astric] Rogero de Kyrkeby Roberto de Gueyrestang Nicholao de Kyrkeby Ricardo de Pulton et aliis
Source (click image below to view full size)
