Charter Document - 05810085
| Charter Number: | 05810085 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant, Quitclaim |
| Date: | 1256 - 1276 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Johannes filius Galfridi Balistarii salutem Noveritis me pro salute anime mee et animarum predecessorum et successorum meorum concessisse dedisse et presenti scripto meo confirmasse Deo et ecclesie beate Marie Lanc[astrie] Priori et monachis ibidem Deo servientibus duas bovatas terre cum pertinenciis in Hamelton unam scilicet bovatam terre cum tofto et crofto quam Ricardus Colemore quondam tenuit et aliam bovatam terre cum duobus toftis et croftis quam Ricardus filius Sywardi quondam tenuit in eadem villa Tenendas et habendas predictis Priori et monachis et eorum successoribus de me et heredibus meis in puram et perpetuam elemosinam adeo libere et quiete sicut aliqua elemosina liberius et quiecius dari potest vel concedi Salvo tamen michi et heredibus meis quantum pertinet ad dictas duas bovatas terre in quodam campo qui vocatur Thornhole et quantum pertinet ad dictas duas bovatas terre in piscaria mea super aquam de Wyre Et ego Johannes et heredes mei dictas duas bovatas terre cum toftis et croftis et cum omnibus aliis communibus aysiamentis et libertatibus tante terre infra villam de Hamelton et extra pertinentibus pro omnibus serviciis secularibus consuetudinibus sectis et demandis et maxime pro forinseco servicio tante terre in eadem villa pertinentibus contra omnes homines et feminas warantizabimus aquietabimus et defendemus imperpetuum In cujus rei testimonium presenti scripto pro me et heredibus meis sigillum meum apposui Hiis testibus Domino Willelmo de Botyler Domino Willelmo de Carleton Willelmo de Sengelton Thoma de Coupmanwra Ricardo de Botyler Alano de Catherton Ada de Pulton Almar[ico] de Lecamton Simone de Hamelton et multis aliis
Source (click image below to view full size)
