Charter Document - 05810075
| Charter Number: | 05810075 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1256 - 1276 |
| Date type: | Assigned |
| Resource Link(s): |
|
Charter:
Universis hoc scriptum visuris vel audituris Ricardus vel Wra manens in Stalmyn salutem Noveritis me pro salute anime mee et predecessorum et successorum meorum concessisse dedisse et hac presenti carta mea confirmasse Deo et ecclesie beate Marie de Lanc[astre] Priori et monachis ibidem Deo servientibus duos buttes terre mee ultra le fulesyk quorum unus jacet juxta terram Johannis de Thornton et alius jacet juxta terram Helene de Stalmyn et totum pratum meum quod jacet in le bothem de Harkar ad capud terre Alani de Stalmyn quod pratum jacet inter terram predictorum Johannis et Helene in puram et perpetuam elemosinam Habendos et tenendos predictos duos buttes cum prato predicto predictis Priori et monachis et eorum successoribus in adeo puram et perpetuam elemosinam sicut aliqua terra liberius et quiecius dari potest vel concedi Et ego Ricardus et heredes mei in predictas particulas terre cum prato et eorum pertinenciis memorato Priori et monachis et eorum successoribus contra omnes homines et feminas warantizabimus aquietabimus et defendemus imperpetuum In cujus rei testimonium presenti scripto sigillum apposui Hiis testibus Alano de Sengelton Galfrido de Hakuneshou Ricardo de Thornton Almar[ico] de Lecamton Ada de Pulton Johanne de Thornton et aliis
Source (click image below to view full size)
