Charter Document - 05810073
| Charter Number: | 05810073 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant, Quitclaim |
| Date: | 1271 - 1276 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Gilbertus de Hamelton salutem Noveritis me dedisse concessisse et omnino de me et heredibus meis quietum clamasse domino Radulpho de Truno Priori Lanc[astrie] et suis successoribus totum jus et clamium quod habui vel habere potui in uno mesuagio cum quodam tofto in villa de Staynhole quod Gilbertus filius Petri de Hakuneshou quondam tenuit cum una dimidia acra terre in campo de Staynhole cujus medietas jacet in cultura que vocatur le turnbut et alia medietas jacet juxta Arelstan cum suis pertinenciis et libertatibus Ita vero quod nec ego nec heredes mei nec aliquis alius pro me vel per me aliquod jus vel clamium vel calumpniam in dicto mesuagio cum tofto una cum dimidia acra terre predicta cum suis pertinenciis de cetero poterimus exigere vel vendicare In cujus rei testimonium pro me et heredibus meis presenti scripto sigillum meum apposui Hiis testibus Johanne Domino de Hakuneshou Roberto de Syngelton Johanne filio Alani de Hakuneshou Simone clerico Willelmo Coco et aliis
Source (click image below to view full size)
