Charter Document - 05810072

Omnibus sancte matris ecclesie filiis presentes litteras visuris vel audituris Ricardus filius Ricardi de Staynhole salutem eternam in domino Noveritis me dedisse concessisse et hac presenti carta mea confirmasse Deo et ecclesie beate Marie Lanc[astrie] et monachis ibidem Deo servientibus in liberam puram et perpetuam elemosinam pro salute anime mee et antecessorum et successorum meorum totum toftum cum domo et cum pertinenciis suis in villa de Staynhol quod Radulphus Cementarius quondam tenuit de dote matris mee scilicet infra domum meam et domum Willelmi filii Willelmi in parte occidentali ville et unum salionem in Archole super Carfurlong unde una extremitas incipit ad Harkhole pull et protendit se usque ad magnam regiam viam et totam partem meam quam habui in magno prato subtus villam de Staynhole versus Archole quantum pertinet ad unam bovatam terre Habendum et tenendum libere quiete imperpetuum sicut aliqua elemosina melius et liberius et quiecius dari poterit cum omnibus pertinenciis libertatibus et aysiamentis infra villam de Staynhole vel extra ad tantam terram pertinentibus Ita quod ego Ricardus et heredes mei nullum jus vel clameum in predictis cum pertinenciis nisi preces et oraciones de cetero exigere vei vendicare valeamus Ego vero Ricardus et heredes mei predictas terras cum pertinenciis Deo et ecclesie beate Marie Lanc[astrie] Priori et monachis ibidem Deo servientibus ab omni seculari servicio contra omnes homines et feminas warantizabimus aquietabimus et defendemus imperpetuum et ut hec mea donacio et concessio et warantizacio et carte hujus confirmacio rate et stabiles permaneant presenti scripto sigillum meum apposui Hiis testibus Johanne de Hacuneshou Willelmo de Thornton Alano de Hakuneshou Simone de Hamelton Roberto de Schireburn Ricardo de Etheleswyke Hugone et Roberto tunc tempore capellano de Stalmyne cum aliis multis