Charter Document - 05810071
| Charter Number: | 05810071 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant, Quitclaim |
| Date: | 1271 - 1276 |
| Date type: | Assigned |
| Resource Link(s): |
|
Charter:
Omnibus sancte matris ecclesie filius hoc scriptum visuris vel audituris Henricus Molnd de Staynhol salutem in domino Noveritis me dedisse concessisse et hac presenti carta mea confirmasse omnino quietum clamasse de me et heredibus meis in liberam puram et perpetuam elemosinam pro salute anime mee antecessorum et successorum meorum Deo et ecclesie beate Marie Lancastr[ie] et monachis ibidem Deo et beate Marie servientibus totum jus et clameum quod habui vel habere potui in uno tofto in Staynole cum pertinenciis jacente inter toftum Ricardi filii Ricardi et toftum Willelmi filii Willelmi in parte occidentali ville de Staynhole et in una salione terre in Archole super Karfurlong cujus una extremitas incipit apud Archolepul et protendit se ad magnam stratam et in omnibus particulis prati pertinentibus ad unam bovatam terre in territorio de Staynhol preter unam partem in magno prato jacente subtus villam de Staynhole versus Archole Habendum et tenendum libere et quiete bene et in pace imperpetuum sicut aliqua elemosina melius et liberius purius et quiecius dari poterit vel concedi cum omnibus pertinenciis et libertatibus et communibus aysiamentis dicte ville de Staynehole pertinentibus Ita quod nec ego Henricus nec heredes mei nunquam jus vel clamium in predictis terra et prati particulis cum pertinenciis de cetero exigere vel vendicare poterimus preter elemosinas et oracionum suffragia Ego vero Henricus et heredes me[i] prefatas terram et prati particulas cum pertinenciis predictis ecclesie et monachis Lanc[astrie] contra omnes homines et feminas imperpetuum warantizabimus Et ut hec mea quieta clamacio rata et stabilis permaneat presenti scripto sigullum meum apposui Hiis testibus Johanne de Hacuneshou Alano de eadem Ada de Stalmyne Johanne de eadem Henrico fratre suo Ricardo de Etheleswyke Petro de Staynhol Simone de Hamelton cum multis aliis
Source (click image below to view full size)
