Charter Document - 05810070
| Charter Number: | 05810070 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1271 - 1276 |
| Date type: | Assigned |
| Resource Link(s): |
|
Charter:
Sciant presentes et futuri quod ego Ricardus filius Ricardi filii Henrici de Staynhole dedi concessi et hac presenti carta mea confirmavi Deo et ecclesie beate Marie Lanc[astrie] et monachis ibidem Deo servientibus unum mesuagium cum orto adjacente quod jacet inter boverium meum et domum Petri fratris mei et duas landas insuper in campo predicte ville de Staynhol quarum una jacet super Horchole incipiendo ad magnam petram super Harchole et protendit se usque ad Wyre et altera jacet super Shortebuttes inter Staynhol et Cumbelawe Tenendum et habendum imperpetuum in puram et perpetuam elemosinam adeo libere sicut aliqua elemosina dari potest vel concedi uberius melius vel quiecius cum omnibus libertatibus et aysiamentis dicte ville de Staynhole pertinentibus Ita quod nec ego Ricardus nec aliquis heredum meorum de dicta terra cum pertinenciis aliquid exigere poterimus preter oraciones et oracionum suffragia Ego vero Ricardus et heredes mei predictam terram cum pertinenciis Deo et ecclesie beate Marie Lancastrie et monachis ibidem Deo servientibus contra omnes homines et feminas imperpetuum warantizabimus In cujus rei testimonium presenti carte sigillum meum apposui Hiis testibus Ada filio Roberti de Stalmine Alano de Hacuneshon Ranulpho de Stalmyne Roberto de Shirburne Simone de Hamelton et multis aliis
Source (click image below to view full size)
