Charter Document - 05810068
| Charter Number: | 05810068 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1256 - 1276 |
| Date type: | Assigned |
| Resource Link(s): |
|
Charter:
Sciant presentes et futuri quod ego Galfridus filius et heres Johannis de Hacuneshou concessi dedi et hac presenti carta mea confirmavi Deo et ecclesie beate Marie de Lanc[astre] Priori et monachis ibidem Deo servientibus pro salute anime mee et animarum predecessorum et successorum meorum in puram et perpetuam elemosinam unam aream in Preshou ex parte mer[i]dionali ejusdem ville que incipit ad toftum quod Alicia quondam uxor Willelmi Sprod quondam tenuit et extendit se versus meridiem continentem in longitudine xiij perticatas et dimidiam et in latitudine quinque perticatas ubi dictus Prior et ejus successores edificient pro eorum voluntate et insuper dedi eisdem duas acras terre arabilis in dominico meo de Hacuneshou in cu[l]tura que vocatur Petitmiddelhargh ex parte meridionali cum libero introitu et exitu ad easdem acras colendas ultra Middelarghsike cum toto prato in campo de Preshou que vocatur fflimingeswellesyke Tenendam et habendam predictis Priori et monachis et eorum successoribus predictam aream et terram arabilem sicut prescriptum est et cum pertinenciis et communionibus aysiamentis tante terre in villa de Preshou et extra pertinentibus in adeo puram et perpetuam elemosinam sicut aliqua terra liberius et quiecius dari potest vel elemosinari Et ego Galfridus et heredes mei predictam aream et terram cum prato in omnibus sicut prescribitur memoratis Priori et monachis et eorum successoribus contra omnes mortales warantizabimus et defendemus imperpetuum In cujus rei testimonium presenti scripto sigillum meum apposui Hiis testibus Dominis Willelmo le Botyler et Ricardo fratre suo militibus Willelmo de Singelton Ricardo de Thornton Almarico de Lekampton Henrico de Karlton Roberto de Shireburne Johanne filio Baudwyn Johanne de Laylond Willelmo de Benstede clerico et aliis
Source (click image below to view full size)
