Charter Document - 05810060
| Charter Number: | 05810060 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1256 - 1284 |
| Date type: | Assigned |
| Resource Link(s): |
|
Charter:
Sciant presentes et futuri quod ego Rogerus filius Alewardi de Scotford per consensum et assensum heredum meorum dedi concessi et hac presenti carta mea confirmavi Rogero fforestario et Mabilie uxori sue et assignatis suis dimidietatem unius tofti in Scotford quod Everardus quondam tenuit de domina Dyonisia et unam perticatam terre jacentem immediate juxta dictam dimidietatem tofti cujus una extremitas extendit se ad viam regiam et altera ad terram ecclesiasticam cum communionibus aysiamentis ville de Scotford pertinentibus Hanc vero dimidietatem tofti et prefatam perticatam terre dedi et concessi dictis Rogero et Mabilie uxori sue et assignatis suis Tenendam et habendam de me et heredibus meis sibi et heredibus suis vel assignatis libere quiete imperpetuum Reddendo inde annuatim dictus Rogerus et Mabilia vel assignati sui michi et heredibus meis quasdam albas cirothecas ad festum Sancti Michaelis pro omni servicio exaccione et demanda Et ego dictus Rogerus filius Alewardi et heredes mei dictam dimidiam tofti cum prefata perticata terre predictis Rogero et Mabilie et assignatis suis contra omnes homines et feminas warantizabimus imperpetuum Et ut hec mea donacio per processum temporis robur optineat firmitatis presens scriptum sigilli mei munimine roboravi Hiis testibus Ada de Burgh Thoma de Wynmerley Laurencio de Lanc[astre] Bonifacio fratre suo Radulpho de Bolerun Serlone Matheo Sutore Rogero filio fuleonis Roberto Barefote Philippe clerico et aliis
Source (click image below to view full size)
