Charter Document - 05810059
| Charter Number: | 05810059 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1256 - 1284 |
| Date type: | Assigned |
| Resource Link(s): |
|
Charter:
Sciant presentes et futuri quod ego Rogerus filius Alewardi de Scotford dedi concessi et hac presenti carta mea confirmavi Deo et ecclesie beate Marie Lanc[astrie] Priori et monachis ibidem Deo servientibus duas acras terre mee in territorio de Scotford jacentes in campo de Langthwaite quarum una extremitas unius acre protendit se usque ad mussam et altera extrimitas usque ad Torredulam et una extremitas alterius acre protendit se usque ad mussam et alia usque ad Lamysik cum omnibus aysiamentis et libertatibus et liberis commun[ionibus] ville de Scotford tante terre pertinentibus pro salute anime mee animarumque antecessorum et successorum meorum in liberam puram et perpetuam elemosinam sicut aliqua elemosina liberius melius et quiecius dari potest vel concedi Ita quod nec ego Rogerus nec aliquis heredum meorum de dicta terra cum pertinenciis de cetero aliquid exigere poterimus preter elemosinas et oracionum suffragia Ego vero Rogerus et heredes mei predictam terram cum pertinenciis predictis ecclesie Priori et monachis contra omnes homines et feminas warantizabimus imperpetuum In cujus rei testimonium presenti scripto sigillum meum apposui Hiis testibus Thoma de Coupmanwra Rogero de Hesham Gervasio de Oxclyve Johanne de Oxclyve Hugone de Mitton Roberto de Wedacre Willelmo de Bighthawite Hugone filio Ricardo de Burgh et multis aliis
Source (click image below to view full size)
