Charter Document - 05810054
| Charter Number: | 05810054 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1300 |
| Date type: | Internal, Feast, Regnal |
| Resource Link(s): |
|
Charter:
Omnibus hoc scriptum visuris vel audituris Simon de Lancastre capellanus salutem in domino Cum olim dederim et concesserim in puram et perpetuam elemosinam Deo et ecclesie beate Marie Lancastrie Priori et monachis ibidem Deo servientibus et imperpetuum servituris domino Radulpho de Truno tunc Priore ejusdem loci videlicet anno regni Regis Edwardi duodecimo quoddam burgagium cum gardino et aliis suis pertinenciis in villa Lancastrie in vico qui dicitur Sancte Marie videlicet illud burgagium quod habui ex dono Roberti filii Rogeri filii Hugonis Childe inter burgagium Hugonis filii Ade Crud ex una parte et burgagium Garneri Sutoris ex altera ac iidem Prior et monachi dictum burgagium michi de gracia sua speciali liberaliter concesserunt tenendum de eisdem quam diu michi placuisset Reddendo unum denarium ad festum assumpcionis beate Marie annuatim Noverit universitas vestra me die Marcurie festo Pentecostes anno regni Regis Edwardi xxviij concessisse remisisse et omnino de me et heredibus meis quietum clamasse imperpetuum predictis Priori et monachis Lanc[astrie] et eorum successoribus totum jus meum et clameum quod habui vel aliquo modo juris habere potero in predicto burgagio cum suis pertinenciis imperpetuum ita videlicet quod nec ego Simon predictus nec aliquis per me vel nomine meo aliquid juris vel clamii in predicto burgagio cum suis pertinenciis exigere de cetero vel vendicare poterimus In cujus rei testimonium presenti scripto sigillum meum apposui Datum apud Lanc[astriam] die et anno supradictis
Source (click image below to view full size)
