Charter Document - 05810051
| Charter Number: | 05810051 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1256 - 1292 |
| Date type: | Assigned |
| Resource Link(s): |
|
Charter:
Noverint universi quod ego Robertus filius Ive de Lanc[astre] dedi concessi et hac presenti carta mea confirmavi Deo et beate Marie Lancastrie Priori et monachis ibidem Deo servientibus pro salute anime mee predecessorum ac successorum meorum quoddam Burgagium quod habui in vico Sancti Leonardi Lancastrie in puram et perpetuam elemosinam cum omnibus libertatibus et aysiamentis dicto burgagio infra villam Lancastrie et extra pertinentibus Tenendum et habendum predicto Priori et successoribus suis imperpetuum libere quiete bene pacifice et honorifice Reddendo inde capitali domino unum denarium in festo Sancti Michaelis pro omni servicio seculari exaccione et demanda Ita quod ego Robertus predictus seu aliquis nomine meo in predicto Burgagio nichil juris vel clamii de cetero exigere poterimus aut vendicare In hujus rei testimonium presenti scripto sigillum meum apposui Hiis testibus Johanne le Gentyl Willelmo filio Juliane Laurencio filio Thome Lamberto Dispensatore tunc ballivis Lancastrie Willelmo filio Laurencii Roberto filio Pagani Ada de Northebrec clerico et aliis
Source (click image below to view full size)
