Charter Document - 05810047
| Charter Number: | 05810047 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant, Quitclaim |
| Date: | 1292 |
| Date type: | Internal, Calendar, Regnal |
| Resource Link(s): |
|
Charter:
Omnibus hoc scriptum visuris vel audituris Willelmus filius Philippi Carpenter de Lancastria salutem Noveritis quod ego dimisi et omnino quietum clamavi Priori et monachis ecclesie beate Marie Lancastrie et eorum successoribus in futurum totum jus et clamium quod unquam habui vel habere potui quovo modo in omnibus terris et tenementis que predicti Prior et monachi habent in Lancastria et extra ex dono Willelmi filii Rogeri de Croftes Tenenda et habenda et imperpetuum possidenda predictas terras et tenementa predictis Priori et monachis et eorum successoribus prout in litteris predicti Willelmi filii Rogeri quas inde habent plenius continetur bene et in pace libere et quiete Ita quod ego prefatus Willelmus filius Philippi vel heredes mei vel aliquis nomine nostro nichil juris vel clamii in predictis terris et tenementis de cetero exigere poterimus aut vendicare In cujus rei testimonium presentibus litteris sigillum meum apposui Hiis testibus Johanne le Gentyl Alano de Parles Willelmo de Heton Willelmo de Burgo Willelmo de Oxclyve et aliis Datum apud Lancastriam quinto non Octobris anno regni regis Edwardi vicesimo
Source (click image below to view full size)
