Charter Document - 05810045
| Charter Number: | 05810045 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1256 - 1284 |
| Date type: | Assigned |
| Resource Link(s): |
|
Charter:
Omnibus Christi fidelibus hoc scriptum visuris vel audituris Willelmus filius Rogeri de Croftes salutem Noveritis me dedisse concessisse et hac presenti carta mea confirmasse Deo et ecclesie beate Marie de Lancastre Priori et monachis ibidem Deo servientibus pro salute anime mee et pro animabus antecessorum et successorum meorum quandam partem terre mee in territorio ville Lancastr[ie] scilicet totam illam terram que jacet inter terram Willelmi filii Laurencii et terram Rogeri filii Viviani habentem tres perticatas in latitudine et octodecim perticatas in longitudine cujus una extremitas procedit se versus viam que ducit apud Penystan et altera extremitas versus le Depecar Tenendam et habendam per antiquas divisas de me et heredibus meis memoratis monachis et eorum successoribus in liberam puram et perpetuam elemosinam adeo libere pacifice et quiete sicut aliqua elemosina melius liberius vel quiecius dari vel concedi potest ita quod nec ego Willelmus nec heredesmei nec aliquis alius nomine nostro nichil inde exigere poterimus de cetero preter elemosinas et oracionum suffragia Et ego Willelmus et heredes mei totam predictam terram cum pertinenciis dictis monachis et eorum successoribus contra omnes homines imperpetuum warantizabimus In cujus rei testimonium sigillum meum presenti scripto duxi apponere Hiis testibus Thoma de Coupmanwra Ada de Kellet Gervasio de Oxclyve Johanne de Oxclyve Rogero capellano de Lancastr[e] Thoma filio Rogeri Willelmo filio Laurencii Willelmo clerico et aliis
Source (click image below to view full size)
