Charter Document - 05810043
| Charter Number: | 05810043 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1256 - 1284 |
| Date type: | Assigned |
| Resource Link(s): |
|
Charter:
Universis Christi fidelibus hoc scriptum visuris vel audituris Nicholaus de Lyndesey serviens domini Prioris Lancastrie salutem Noveritis me pro salute anime mee animarum que omnium meorum concessisse dedisse et hac presenti carta mea confirmasse Deo et ecclesie beate Marie de Lancastrie Priori et monachis ibidem Deo servientibus burgagium meum in Lancastre quod emi de Rogero Caskell cum domibus et edificiis in eodem constructis et cum omnibus aliis pertinenciis et libertatibus dicto burgagio infra villam Lancastrie et extra pertinentibus Tenendum et habendum dictum burgagium cum omnibus pertinenciis supradictis dicto Priori et monachis et eorum successoribus in puram et perpetuam elemosinam imperpetuum Ita quod nec ego vel heredes mei seu aliquis alius per nos nichil juris vel clamii in dicto burgagio cum pertinenciis de cetera exigere poterimus vel vendicare nisi tantummodo participacionem bonorum que fiunt in ecclesia predicta Salvo tamen domino feodi servicio inde debito et consueto In cujus rei testimonium presenti scripto sigillum meum apposui Hiis testibus Domino Benedicto Gernet Domino W de Heton Alano de Catherton Johanne de Oxclyve Johanne le Gentyll et Roberto filio Pagani tunc prepositis Lancastrie Willelmo filio Juliani Willelmo de Benstede et aliis
Source (click image below to view full size)
