Charter Document - 05810036
| Charter Number: | 05810036 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1215 |
| Date type: | Internal, A.D., Feast |
| Resource Link(s): |
|
Charter:
Universis Sancte Matris ecclesie filiis ad quos presens scriptum pervenerit de Sancta Trinitate et Sancta Maria et Sancto Andrea Eboraci Priores salutem in Domino Noverit universitas vestra quod anno incarnacionis Domini MCCXV die lune proxima post festum Sancti Jacobi Apostoli in majori ecclesia apud Eboracum causa que vertebatur coram nobis ex mandato domini pape inter Abbatem et Conventum Sagii ex parte una et Rogerum presbiterum ex altera super burgagium et terram que ipse Rogerus tenebat cum pertinenciis in Lancastr[e] extra villam et infra que dicti Abbas et Conventus Sagii petebant super ipsum Rogerum ut jus suum et elemosinam ecclesie de Lancastre ex testamento Linild Wytheland canonice datam et concessam amicabili composicione coram nobis conquievit sub hac forma videlicet quod dictus Rogerus recognovit coram nobis in jure prefatum burgagium et terram infra villam et extra cum omnibus pertinenciis suis esse jus et liberam elemosinam ecclesie de Lanc[astre] et illam terram et burgagium cum pertinenciis et totum jus et clameum quod in eo habuit vel unquam eciam habere potuerit de se et omnibus suis dictis Abbati et Conventui et ecclesie Lancastrie quietam clamavit resignavit et sicut liberam elemosinam ecclesie Lancastrie et remisit imperpetuum et pro posse suo eandem terram et burgagium cum pertinenciis contra omnes homines warantizabit imperpetuum fideliter et defendet et dicti Abbas et Conventus ad peticionem proborum virorum et communium amicorum instanciam caritatis intuitu et liberaliter concesserunt dicto Rogero capellano unam annuam marcatam redditus de proventibus Altelagii de Overton habendum sibi in tota vita sua sicut continetur in cartis dominorum Abbatis et Conventus Sagii et Prioris et monachorum Lancastr[ie] quam idem Rogerus inde habet et ut hec composicio omnimodam optineat firmitatem huic scripto sigilla nostra apposuimus
Source (click image below to view full size)
