Charter Document - 05810035
| Charter Number: | 05810035 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1256 - 1284 |
| Date type: | Assigned |
| Resource Link(s): |
|
Charter:
Omnibus hoc scriptum visuris vel audituris Radulphus de Bollerun salutem Noverit universitas vestra me in prosperitate mea concessisse et dedisse pro animabus antecessorum meorum et pro anima mea et uxoris mee et pro animabus puerorum meorum et pro transgressionibus meis Deo et ecclesie beate Marie de Lancastr[e] et monachis ibidem Deo et beate Marie servientibus duas acras terre in territorio de veteri Lancastr[e] jacentes ex parte aquilonari fontis de veteri Lanc[astre] sequendo Rivulum ejusdem fontis versus aquilonem usque communere pasturam Lancastr[ie] et sic ascendendo versus Swartemore quousque due acre terre perficiantur in puram et perpetuam elemosinam participacionem omnium bonorum receptur[um] et beneficiorum que fiunt vel fient in eadem ecclesia adeo libere et quiete et honorifice sicut aliqua elemosina dari potest vel concedi liberius et melius plenius quiecius et honorificencius cum omnibus aysiamentis ville de Bollerun pertinentibus Ego vero Radulphus et heredes mei dictas duas acras terre Deo et ecclesie beate Marie de Lanc[astre] contra omnes homines et feminas imperpetuum warantizabimus et ut ista mea donacio imposterum robur optineat firmitatis presentem paginam cum concensu et assensu heredum meorum sigilli mei munimine roboravi Hiis testibus Nicholao Tinctore Roberto Barefote Axero de Wyresdale Matheo Sutore Rogero filio fuleonis Laurencio Bonefac fratre suo Rogero filio Orme Thoma filio suo Thoma mercatore et multis aliis
Source (click image below to view full size)
