Charter Document - 05810026
| Charter Number: | 05810026 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1256 - 1292 |
| Date type: | Assigned |
| Resource Link(s): |
|
Charter:
Omnibus hoc scriptum visuris vel audituris Adam filius Roberti de Kellet manens in parva Hesham salutem Noveritis me concessisse Deo et beate Marie de Lanc[astre] Priori et monachis ibidem Deo servientibus unam acram terre in parva Hesham in cultura vocata croscope in feodo predicti Prioris videlicet inter terram meam ex una parte et terram dicti Prioris ex altera Tenendam et habendam imperpetuum predictam terram predictis Priori et monachis et eorum successoribus in futurum libere quiete cum omnibus libertatibus et aysiamentis ad dictam terram spectantibus sine contradiccione vel reclamacione aliqua de me vel heredibus meis in premissis de cetero facienda Pro hac autem donacione et concessione dederunt michi predicti Priori et monachi de bonis suis in magna necessitate mea per manibus quandam summam pecunie de qua teneo me plenarie propagatum Hanc autem donacionem et concessionem ego Adam et heredes mei predictis Priori et monachis et eorum successoribus warantizare deliberare tenemur et defendere contra omnes bona fide vel in alia propria hereditate nostra si necessarium fuerit escambiam facere ad valorem In cujus rei testimonium presenti scripto sigillum meum apposui Hiis testibus Johanne le Gentyl Willelmo de Gersingham clerico Roberto Coco Willelmo Warde Thoma Travers Johanne filio Radulphi et aliis
Source (click image below to view full size)
