Charter Document - 05810023
| Charter Number: | 05810023 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant, Quitclaim |
| Date: | 1272 |
| Date type: | Assigned |
| Resource Link(s): |
|
Charter:
Universis Christi fidelibus presens scriptum visuris vel audituris Alanus de Catherton salutem Noveritis me pro salute anime mee et animarum predecessorum et successorum meorum concessisse remisisse et omnino a me et heredibus meis quietum clammasse Deo et ecclesie beate Marie de Lanc[astre] Priori et monachis ibidem Deo servientibus unam bovatam terre cum tofto et gardino edificiis et omnibus aliis pertinenciis in villa de Hesham et unam aream in eadem villa super le Kilneburg ad situm unius grangie in australi parte grangie Willelmi Warde continentem in se l pedes in longitudine et xxx in latitudine cum libero introitu et exitu undique ad omnia necessaria et aysiamenta pro voluntate eorum singulis temporibus habenda et facienda que Willelmus Ward de Hesham michi dedit per cartam suam Tenendam et habendam dictis Priori et monachis et eorum successoribus dictam bovatam terre cum Tofto Gardino edificiis et omnibus aliis pertinenciis et cum area predicta in omnibus ut predictum est in puram et perpetuam elemosinam imperpetuum Ita quod ego Alanus vel heredes mei nichil juris vel clamii in dicta bovata terre cum tofto gardino edificiis et aliis pertinenciis seu area predicta de cetero exigere poterimus nisi tantum participacionem oracionum et bonorum que fuint in ecclesia predicta In cujus rei testimonium huic presenti scripto sigillum meum apposui Hiis testibus Domino Ranulpho de Dacre tunc vicecomite Lanc[astrie] Domino Benedicto Gernet Domino Willelmo de Heton Ormo de Kellet Johanne Gernet de Caton Nicholao de Lee Johanne le Gentyl Johanne de Oxclyve Thoma Travers et aliis
Source (click image below to view full size)
