Charter Document - 05810021
| Charter Number: | 05810021 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1256 |
| Date type: | Assigned |
| Resource Link(s): |
|
Charter:
Sciant presentes et futuri quod ego Rogerus filius et heres Viviani de Hesham concessi dedi et omnino quietum clamavi Domino Willelmo de Reyo Priori Lanc[astrie] et monachis ejusdem loci et eorum successoribus totum jus et clameum quod unquam habui vel habere potui in Tofto quod Robertus filius Elt quondam tenuit in villa de Hesham et in una acra terre quam Adam de Urswyk dedit memorato prioratui concedendo et dando predictis Priori et monachis et eorum successoribus communem pasturam cum omnibus aliis libertatibus et aisiamentis que ad unum Toftum et unam acram terre in predicta villa et extra pertinere dinoscuntur Reddendo inde annuatim michi et heredibus meis vel meis assignatis quatuor denarios sterlingorum ad duos anni terminos per equales parte[s] scilicet ad Pascha domini et ad festum Sancti Michaelis Archangeli pro omni seruicio consuetudine seculari et demanda Et ego Rogerus et heredes mei predictum Toftum cum predictis acra terre communi pastura et omnibus aliis prescriptis memoratis Priori et monachis et eorum successoribus contra omnes homines et feminas warantizabimus acquietabimus et defendemus imperpetuum In cujus rei testimonium presenti carte sigillum meum apposui Hiis testibus Domino Willelmo le Botylere tunc vicecomite Lancastr[ie] Domino Rogero de Heton Benedicto Gernet Thoma de Coupmanwra Alano de Catherton Johanne de Oxclyve et multis aliis
Source (click image below to view full size)
