Charter Document - 05810019
| Charter Number: | 05810019 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1245 - 1248 |
| Date type: | Assigned |
| Resource Link(s): |
|
Charter:
Universis Christi fidelibus hoc presens scriptum visuris vel audituris Rogerus de Crofte salutem Noueritis quod ego Rogerus pro salute anime mee et antecessorum et successorum meorum dimisi concessi et omnino quietum clamaui Deo et Sancto Martino de Sagio et ecclesie beate Marie Lancastrie et monachis ibidem Deo seruientibus totum Jus et clameum quod habui vel habere potui in tota terra cum pertinenciis in parua Hesham quam Robertus de Kellet quondam tenuit et in tota terra cum pertinenciis quam Benedictus de Hesham quondam in dicta villa tenuit Ita quod ego Rogerus et heredes mei nichill juris vel clamei in predictis terris cum pertinenciis de cetero exigere poterimus nisi preces et oracionum suffragia Et ut hec mea dimissio concessio et quieta clamacio robur firmitatis imperpetuum optineat presenti scripto sigillum meum apposui Hijs testibus Domino Matheo de Redeman tunc vicecomite Lancastrie Domino Willelmo de Tunstall Domino Ada de Bury Domino Willelmo de Clyfton Thoma de Coupmanwra Rogero de Heton Ada filio Ormi de Kellet Rogero Gernet de Caton Ada Gernet cum multis alijs
Source (click image below to view full size)
