Charter Document - 05810018
| Charter Number: | 05810018 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1256 - 1284 |
| Date type: | Assigned |
| Resource Link(s): |
|
Charter:
Notum sit omnibus hominibus quod Ormus de Kellet pro salute anime mee antecessorum et successorum meorum dedi concessi et hac presenti carta mea confirmaui Deo et ecclesie beate Marie de Lancastre Priori et monachis ibidem Deo seruientibus quandam particulam terre mee in villa de Middelton que iacet iuxta grangiam predicti prioris in villa predicta ex parte boriali que continet in se nouies viginti pedes in longitudine et octo decem pedes in latitudine Tenendam et habendam dictam particulam terre dicto Priori et monachis et eorum successoribus ad inhabitandum in eadem quam cumque edificacionem voluerint pro eorum voluntate de me et heredibus meis vel meis assignatis in liberam puram et perpetuam elemosinam quam quidem particulam terre ego Ormus predictus et heredes mei vel mei assignati dictis Priori et monachis et eorum successoribus contra omnes mortales warantizabimus acquietabimus et defendemus imperpetuum In cuius rei testimonium presenti scripto sigillum meum apposui Hijs testibus Domino Willelmo de Heton Benedicto Gernet Johanne de Oxclyve Johanne de Vrswyke Johanne de Parles Johanne de Aston Rogero de Balerig Thoma de Bolerun Ricardo de Middelton et alijs
Source (click image below to view full size)
