Charter Document - 05810015
| Charter Number: | 05810015 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1271 - 1276 |
| Date type: | Assigned |
| Resource Link(s): |
|
Charter:
Universis Christi fidelibus hoc presens scriptum visuris vel audituris Dominus Willelmus de Heton miles salutem Noveritis quod cum mota esset contencio inter Dominum Radulphum de Truno priorem Lanc[astrie] ex una parte et me ex altera parte super diuisas clausure aree capelle Sancti Cuthberti de Heton tandem de consilio amicorum necnon et caritatis intuitu concessi et presenti scripto confirmavi quod predictus Prior et eius successores habeant et possideant predictam aream dicte capelle infra diuisas subscriptas videlicet incipiendo ad angulem fossati quod extendit se versus occidentem in aquilonari parte et sic sequendo illud fossatum vsque ad fossatum in oriente quod est inter nouam domum et veterem fratris Willelmi Hermite et sic sequendo illud fossatum versus meridiem vsque ad fossatum quod est inter campum de Heton et dictam aream sequendo dictum fossatum versus occidentem usque ad angulum dicti fossati in australi parte et sic sequendo illud fossatum ex transuerso vsque ad angulum fossati primo nominati cum libero et sufficienti introitu et exitu ad predictam aream et grangiam in eadem sitam a regia via preiacente omni tempore anni sine contradiccione et impedimento mei vel heredum meorum cum omnimodis emolumentis et comodis que infra eandem aream naturaliter oriri poterint vel artificialiter haberi Et quod predictus Prior et successores sui possint predicta fossatam mundare et exaltare cum voluerint et sibi viderint expedire In cuius rei testimonium presenti scripto pro me et heredibus meis sigillum meum apposui Hiis testibus Dominis Willelmo le Botyler Ricardo le Botyler Benedicto Gernet Ada de Hoyland Ada de Houghton militibus Nicholao de Wygan Alano de Catherton Johanne de Oxclyue Nicholao de Prioratu Willelmo de Benstede et aliis
Source (click image below to view full size)
