Charter Document - 05801056
| Charter Number: | 05801056 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1286 |
| Date type: | Internal, A.D., Calendar |
| Resource Link(s): |
Reference Document for this Embedded Document |
Charter:
Universis sancte matris Ecclesie filiis has litteras visuris vel audituris Henricus de Newerk Archidiaconus Richem[und] salutem in eo qui vera est salus Cum omnes prelati sanctam religionem plantare et plantatam fovere et augmentare teneantur Nos attendentes humilitatem et honestatem Abbatis et Conventus Sancti Martini Sagii Prioris et monachorum Lancastr[ie] et statum ejusdem prioratus et cum nostri sit officii beneficia que a fidelibus sacris locis et religiosis pro salute animarum suarum in elemosinam perpetuam in archidiaconatu nostro dinoscuntur esse collata tueri et perpetuis firmare munimentis Nos Deum pre oculis habentes divine pietatis intuitu dictis Abbati et Conventui Priori et monachis Lancastr[ie] ecclesiam beate Marie de Lancastre cum omnibus terris decimis possessionibus et capellis ad dictam ecclesiam spectantibus videlicet cum capella de Gersingham et de Caton et de Overton et specialiter capellam de S[t]almine et medietatem ecclesie de Pulton et capelle de Biscopham quas in presenciarum possident eisdem confirmamus Volumus eciam et concedimus quod dicti Abbas et Conventus Prior et monachi Lancastr[ie] aliam medietatem dictarum ecclesie de Pulton et capelle de Biscopham cum illam vacare contigerit illam in proprios usus a nobis appropriatam teneant et imperpetuum possideant Ita tamen quod cum ambe paries eis accreverint fiat ibi vicarius qui ad estimacionem bonorum virorum xx marcas nomine vicarie percipiet et omnia honera dictam ecclesiam et capellam contingencia debita et consueta sustinebit et per predictos Abbatem et Conventum ad dictam vicariam Archidiacono Richem[und] qui pro tempore fuerit presantabit et Institucionem et curam animarum recipiet ab eodem Volumus preterea et concedimus quod ipsi Ecclesiam suam Lancastrie cum pertinenciis predictis pleno jure teneant et possideant jure archidiaconali et dignitate Ecclesie Eboraci in omnibus salvis Pensionem dimidie marce argenti quam percipiunt in Ecclesia de Hesham de qua sunt patroni eisdem confirmamus et ut hec omnia predicta rata et inconcussa imperpetuum permaneant presenti scripto sigillum duximus apponendum Datum Eboraci xv Kalendas Decembris anno domini Mcc octogesimo sexto
Source (click image below to view full size)
