Charter Document - 05800134
| Charter Number: | 05800134 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1225 - 1275 |
| Date type: | Assigned |
| Resource Link(s): |
|
Charter:
Universis Christi fidelibus hoc presens scriptum visuris vel audituris Thomas de Coupmanwra salutem Noveritis me caritatis intuitu atque pro salute anime mee animeque Alicie uxoris mee necnon et pro salute animarum predecessorum successorumque meorum concessisse dedisse et hoc presenti scripto meo confirmasse Deo et ecclesie beate Marie de Lancastr[e] Priori et monachis ordinis Sancti Benedicti ibidem Deo servientibus et imperpetuum servituris totam terram meam cum omnibus edificiis serviciis et redditibus hominum meorum de me tenencium et cum omnibus pertinenciis et libertatibus dicte terre pertinentibus quam habui in villa de Boulton sine aliquo retinemento excepta terra cum pertinenciis quam dedi Ade filio Roberti de Kellet in eadem villa Tenendam et habendam de predictam terram cum edificiis serviciis redditibus et cum omnibus aliis pertinenciis et libertatibus predictis Priori et monachis et eorum successoribus in puram et perpetuam elemosinam ita quod ego Thomas predictus seu heredes mei in predicta terra cum omnibus pertinenciis supradictis nichil juris vel clamii de cetero exigere poterimus nisi participacioni bonorum que fiunt in ecclesia predicta et oracionum suffragia salvis tamen dominis feodorum serviciis inde debitis et consuetis Et ego predictus Thomas et heredes mei vel mei assignati totam predictam terram cum omnibus pertinenciis et libertatibus in omnibus ut supradictum est memoratis Priori et monachis et eorum successoribus contra omnes gentes warantizabimus et defendemus imperpetuum In cujus rei testimonium presenti scripto pro me et heredibus meis sigillum meum apposui Hiis testibus Dominis Willelmo le Botyler Ricardo le Botyler Ranulpho de Dacre Willelmo de Heton Benedicto Gernet militibus Alano de Catherton Ormo de Kellet Johanne de Oxclyve Gervasio de Oxclyve Rogero de Hesham Willelmo filio Simonis de Boulton et aliis
Source (click image below to view full size)
