Charter Document - 05800131
| Charter Number: | 05800131 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1225 - 1300 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Henricus filius Henrici de Hest salutem Noveritis me dedisse concessisse et hac presenti carta mea confirmasse Johanni filio Willelmi filii Walteri pro homagio et servicio suo dimidiam acram terre in campo de Boulton illam scilicet quam emi de Laurencio de Boulton clerico que jacet sub Ingelbrek ad parvam Gunnekeldris inter terram ecclesie et terram Ade filii Gilberti Tenendam et habendam de me et heredibus meis dicto Johanni et heredibus suis vel cuicunque dare vendere legare vel assignare voluerit totam predictam terram cum omnibus libertatibus et aysiamentis ad tantam terram pertinentibus in villa de Boulton Reddendo inde annuatim michi et heredibus meis dictus Johannes et heredes sui vel sui assignati unum obolum ad festum Sancti Michaelis pro omni servicio et demanda Et ego predictus Henricus et heredes mei warantizabimus predictam dimidiam acram terre predicto Johanni et heredibus suis vel suis assignatis contra omnes homines et feminas imperpetuum Pro hac autem concessione et carte mee confirmacione dedit michi dictus Johannes sex solidos argenti in mea magna necessitate Et ut hec concessio et carte mee confirmacio robur firmitatis optineat sigilli mei impressione presens scriptum roboravi Hiis testibus Ada filio Gilberti Simone filio Michaelis Henrico de Hest Henrico filio Godithe Radulpho de Kellet et multis aliis
Source (click image below to view full size)
