Charter Document - 05800112
| Charter Number: | 05800112 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1225 - 1275 |
| Date type: | Assigned |
| Resource Link(s): |
|
Charter:
Sciant presentes et futuri quod ego Simon filius Elye de Thorebrondesheued dedi concessi et hac presenti carta mea confirmavi Thome de Coupmanwra dimidiam acram terre mee et tres perticatas et octo fallas prati cum pertinenciis in campo de Boulton scilicet dimidiam acram terre jacentem in cultura que vocatur Rigsomeryld juxta terram Simonis filii Michaelis et tres perticatas terre et octo fallas prati jacentes ex opposite molendini juxta pratum dicti Thome Tenendam et habendam de me et heredibus meis sibi et heredibus suis vel assignatis suis libere quiete integre pacifice et honorifice cum omnibus pertinenciis suis libertatibus et aysiamentis infra villam de Boulton et extra tante terre pertinentibus reddendo inde annuatim michi et heredibus meis ipse et heredes sui vel assignati sui unam sagittam ad festum Sancti Michaelis pro omni servicio exaccione et demanda Et pro hac mea donacione concessione et carte hujus confirmacione predictus Thomas dedit michi unam marcam argenti in mea necessitate pre manibus Ego Simon et heredes mei totam predictam terram et pratum cum pertinenciis dicto Thome et heredibus suis vel suis assignatis in omnibus sicut predictum est contra omnes homines warantizabimus In hujus rei testimonium ego Simon sigillum meum huic scripto apposui Hiis testibus Ada de Kellet Henrico de Hest Ada filio Gilberti de Boulton Willelmo clerico de Lanc[astre] et aliis
Source (click image below to view full size)
