Charter Document - 05800111
| Charter Number: | 05800111 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1225 - 1275 |
| Date type: | Assigned |
| Resource Link(s): |
|
Charter:
Sciant presentes et futuri quod ego Alicia filia Ricardi de Saltstedssyr dedi concessi et hac presenti carta mea confirmavi Thome de Coupmanwra tres acras terre et dimidiam terre mee in campo de Boulton et toftum cum pertinenciis in villa de Boulton per omnes divisas et metas sicut Ricardus capellanus dictam terram habuit et quondam tenuit de dono Thome filii Ade de Boulton illud scilicet toftum quod Adam Textor quondam tenuit de predicto Thoma in villa de Boulton et unam acram terre et dimidiam jacentes super culturam que vocatur Hallestede propinquius ville de Boulton juxta terram Roberti capellani et duas acras terre jacentes remocius super Hallestede que extendunt se de terra ecclesie de Boulton versus occidentem usque ad terram Ade filii Gilberti versus orientem tenendas et habendas de me et heredibus meis illi heredibus suis vel assignatis suis libere quiete integre et pacifice et honorifice cum omnibus pertinenciis suis libertatibus et aysiamentis infra villam de Boulton et extra tante terre pertinentibus reddendo inde annuatim michi et heredibus meis ille et heredes sui vel assignati sui unum denarium argenti ad Natale domini pro omni servicio exaccione et demanda Et ego Alicia et heredes mei totam predictam terram cum pertinenciis dicto Thome et heredibus suis vel assignatis suis in omnibus sicut predictum est contra omnes homines imperpetuum warantizabimus Et pro hac mea donacione concessione et carte hujus confirmacione predictus Thomas dedit michi tres marcas legalium sterlingorum in mea necessitate pre manibus In cujus rei testimonium huic scripto sigillum meum apposui Hiis testibus Ada de Kellet Henrico de Hest Thoma filio Rogeri de Lancastr[e] Ada de Appeltrethwayt Ada filio Gilberti de Boulton Willelmo clerico de Lancastre et aliis
Source (click image below to view full size)
