Charter Document - 05800110

Sciant presentes et futuri quod ego Ricardus de Halton capellanus dedi concessi et hac presenti carta mea confirmavi Alicie filie Cristiane de Slyne pro homagio et servicio suo tres acras terre arabiles et dimidiam in campo de Boulton quas habui de dono Thome filii Ade de Boulton quarum una acra et dimidia jacent super culturam que vocatur Hallestede propinquius ville de Boulton juxta gardinum Roberti capellani due vero acre jacent remocius super Hallestede que se extendunt de terra ecclesie versus occidentem usque ad terram Ade filii Gilberti versus orientem Dedi eciam eidem et concessi totum toftum meum quod habui de dono ejusdem Thome quod scilicet Adam textor aliquando tenuit in eadem villa Habendas et tenendas de me et heredibus meis dicte Alicie et heredibus suis et cui et quando dictam terram et toftum assignare dare vendere vel legare voluerit a deo libere et quiete et pacifice ut carta mea quam dictus Thomas inde michi fecit in omnibus proportat et testatur Reddendo inde annuatim dicto Thome vel heredibus suis unum denarium argenti ad Natale domini pro omni servicio exaccione Curie Sectis et omnibus demandis tam pro forincecis domini Regis quam pro omnibus aliis Et ego Ricardus capellanus et heredes mei dictam terram cum tofto et omnibus pertinenciis suis predicte Alicie et heredibus suis et suis assignatis contra omnes homines et feminas imperpetuum warantizabimus et defendemus Et ut hec mea donacio concessio confirmacio et warantizacio firma et stabilis imperpetuum permaneat presentem cartam sigilli mei impressione roboravi Hiis testibus Benedicto Gernet Ada de Kellet Ada filio Gilberti Henrico de Hest Simone filio Michaelis Simone de Thorebrondesheved cum multis aliis