Charter Document - 05800088
| Charter Number: | 05800088 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1225 - 1275 |
| Date type: | Assigned |
| Resource Link(s): |
|
Charter:
Sciant presentes et futuri quod ego Adam filius Gilberti de Bouleton dedi concessi et hac presenti carta mea confirmavi Thome de Coupmanwra unam acram terre mee et dimidiam in territorio de Boulton jacentem scilicet apud Gonnolefrys Tenendam et habendam de me et heredibus meis sibi et heredibus suis vel assignatis suis libere quiete et integre et pacifice et honorifice cum omnibus pertinenciis suis libertatibus et aysiamentis dicte terre pertinentibus Reddendo inde annuatim michi et heredibus meis ipse vel assignati sui unum par cirothecarum vel unum obolum ad festum Sancti Michaelis pro omni servicio exaccione et demanda Et ego Adam et heredes mei totam predictam terram cum pertinenciis dicto Thome vel suis assignatis contra omnes homines imperpetuum warantizabimus In hujus rei testimonium ego Adam sigillum meum huic scripto apposui Hiis testibus Simone filio Michaelis de Boulton Simone filio Elye Henrico filio Godith Henrico clerico Simone filio Gilberti et aliis
Source (click image below to view full size)
