Charter Document - 05800083
| Charter Number: | 05800083 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1225 - 1275 |
| Date type: | Assigned |
| Resource Link(s): |
|
Charter:
Sciant omnes tam presentes quam futuri quod ego Adam filius Gilberti de Boulton dedi concessi et hac presenti mea confirmavi Thome de Coupmanwra tres acras terre mee et unam acram et dimidiam prati in campo de Boulton scilicet tres acras continue jacentes in superiori cultura juxta le Henyng scilicet juxta le Cringelbroghan ex parte aquilonis et unam acram et dimidiam prati in prato quod vocatur Ingemyre Tenendas et habendas de me et heredibus meis sibi et heredibus suis vel assignatis suis libere quiete integre pacifice et honorifice cum omnibus pertinenciis suis libertatibus et aysiamentis infra villam de Boulton vel extra tante terre pertinentibus Reddendo inde annuatim michi et heredibus meis ipse et heredes sui vel assignati sui unum denarium argenti ad festum Sancti Michaelis pro omni servicio exaccione et demanda Et ego Adam et heredes mei totam predictam terram et pratum cum omnibus pertinenciis suis dicto Thome et heredibus suis vel assignatis in omnibus sicut predictum est contra omnes homines imperpetuum warantizabimus Et pro hac mea donacione concessione et carte hujus confirmacione predictus Thomas dedit michi quinquaginta solidos legalium sterlingorum in mea necessitate pre manibus In cujus rei testimonium ego Adam huic scripto sigillum meum apposui Hiis testibus Benedicto Gernet Ada de Kellet Henrico de Hest Simone filio Michaelis de Boulton Simone filio Elie Henrico filio Godith de Boulton Willelmo clerico de Lancastr[e] et aliis
Source (click image below to view full size)
