Charter Document - 05800076
| Charter Number: | 05800076 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1225 - 1275 |
| Date type: | Assigned |
| Resource Link(s): |
|
Charter:
Sciant presentes et futuri quod ego Adam filius Gilberti de Bouelton dedi concessi et hac presenti carta mea confirmavi pro me et heredibus meis vel meis assignatis Helewyse filie mee et heredibus suis vel suis assignatis unam acram et dimidiam et unam rodam et octo fallas terre mee arabilis in campo de Bouelton jacentes ex parte australi juxta illam acram terre quam Thomas de Gersingham de me tenuit que jacet juxta viam que Overgate appellatur et predicta terra Helewise se extendit in capite orientali ad predictam viam scilicet Overgate versus Kellettam inferiorem et in capite occidentali extendit se usque ad gardinum W de Halebankes et dicta terra continet ubique latitudinem predicti gardini cum suis forsatis Habendam et tenendam predictam terram de me et heredibus meis vel meis assignatis sibi et heredibus suis vel suis assignatis imperpetuum Ita libere quiete integre bene et in pace sicut ego eam sibi dare potui vel concedere Reddendo inde annuatim ipsa Helewisa et heredes sui vel sui assignati michi et heredibus meis vel meis assignatis unum pomum die Sancti Laurencii pro omni servicio seculari exaccione et demanda Et ego Adam et heredes mei vel mei assignati predictam terram prefate Helewise et heredibus suis vel suis assignatis contra omnes gentes warantizabimus et de omni servicio domino Regi vel domino cap[i]tali vel cuicumque alii pro dicta terra debito et de secta comitatus et wapentachii et Justiciariorum itinerancium et inquisiciones faciencium et cuilibet curie secularis et de tallagio et padagio qualitercumque et quandocumque et a quocumque predicta terra exacto imperpetuum acquietabimus et defendemus Pro hac autem donacione et concessione mea et hujus presentis carte mee confirmacione dedit michi predicta Helewisa unam marcam sterlingorum Et ut hac mea donacio et concessio et hujus presentis carte mee confirmacio rata et stabilis maneat semper istam presentem cartam meam sigilli mei impressione roboravi Hiis testibus Alano de Catherton Ada de Kelleta Johanne de Vrswike Willelmo filio Simonis Johanne filio Henrici de Boulton et aliis
Source (click image below to view full size)
