Charter Document - 05800061
| Charter Number: | 05800061 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Lay |
| Charter Type(s): | Inquisition |
| Date: | 1227 |
| Date type: | Assigned |
| Resource Link(s): |
|
Charter:
Domino reverendo patri in Christo Karissimo viro venerabili domino R Cistrensi Episcopo Domini Regis Anglie Cancellario A de Yeland vicecomes Lancastr[ie] salutem et seipsum Noverit excellencia vestra super mandatum domini Regis de Prioratu Lancastrie in pleno Comitatu per legales ipsius Comitatus feci Inquisicionem per istos videlicet Dominum Rogerum Garnet Galfridum Balistarium Walterum de Parles A de Coupmanwar Adam de Biry Walterum de Wynquic Adam de Hooton Rogerum de Tunstall Gilbertum de Kellettes Ricardum de Keldelith Willelmum de Tunstall Robertum de Asserto Nicholaum tinctorem Willelmum de Stalmin Willelmum de Pres Ranulphum clericum Alanum de Singelton Willelmum de Tathiam et alios qui dicunt quod domus Prioratus Lancastr[ie] est cella Monasterii Sagiensis et quod Abbas Sagiensis pro voluntate sua Priorem quem voluerit per assensum domini Regis substituere poterit et amovere et quod Priore decedente domus illa Prioratus in temporibus H[enrici] Regis avi Regis avunculi Regis H[enrici] et J[ohannis] patris Regis H[enrici] in manibus eorum capi solebat et teneri nec in aliquo tempore viderunt Archiepiscopum Eboraci vel Archidiaconum Richem[und] in domo illa manus ponere sed solummodo ballivos domini Regis quousque alius prior in eadem domo pro voluntate ejusdem Abbatis Sagii institueretur Unde est quod litteras istas sigillis predictorum legalium hominum munitas vobis transmitto ut si forsan dominus Archiepiscopus Eboraci questionem aliquam super hujusmodi fecerit premuniamini Valete
Source (click image below to view full size)
