Charter Document - 05800058
| Charter Number: | 05800058 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1247 |
| Date type: | Internal, A.D., Calendar |
| Resource Link(s): |
|
Charter:
Universis sancte matris Ecclesie filiis has litteras visuris vel audituris Johannes Romanus Archidiaconus Richem[und] salutem in eo qui est vera salus Cum omnes prelati sanctam Religionem plantare et plantatam fovere et augmentare teneantur Nos atte[n]dentes humilitatem et honestatem abbatis et conventus Sancti Martini Sagii Prioris et monachorum Lancastr[ie] et statum ejusdem prioratus et cum nostri sit officii beneficia que a fidelibus sacris locis et religiosis pro salute animarum suarum in elemosinam perpetuam in Archidiaconatu nostro dinoscuntur esse collata teneri et perpetuis firmare munimentis Nos deum pre oculis habentes divine pietatis intuitu dictis Abbati et Conventui et Priori et monachis Lancastr[ie] Ecclesiam beate Marie de Lancastr[e] cum omnibus terris et decimis possessionibus et capellis ad dictam Ecclesiam spectantibus videlicet cum capella de Gersingham et de Katon et de Overton et specialiter capellam de Stalmin et medietatem ecclesie de Pulton et capellam de Biscopham quas in presenciarum possident eisdem confirmamus Volumus eciam et concedimus quod dicti Abbas et Conventus Prior et monachi Lancastr[ie] post decessum illius qui aliam medietatem dictarum ecclesie et capelle de Pulton et Biscopham possidet illam in proprios usus eis a nobis appropriatam teneant imperpetuum et possideant Ita tamen quod cum ambe partes eis accreverint fiat ibi Vicarius qui ad estimacionem bonorum virorum viginti marcas nomine vicarie percipiet et omnia onera dictam ecclesiam et capellam contingencia debita et consueta sustinebit et per predictos Abbatem et Conventum ad dictam vicariam Archidiaconus Richemund qui pro tempore fuerit presentabit et institucionem et curam animarum recipiet ab eodem Et eis alias de temporalibus si necesse fuerit respondebit Volumus preterea et concedimus quod ipsi Ecclesiam s[u]am de Lancastr[e] cum pertinenciis predictis Ita teneant et possideant sicut antea tenuerunt absque cohercione aliqua de instituendo ibidem Vicario nisi eis placuerit a nobis vel successoribus nostris Archidiaconis Richem[und] eis de cetero super hoc faciendo Pensionem vero dimidie marce argenti quam percipiunt in ecclesia de Hesham de qua sunt patroni eisdem confirmamus Volumus et permittimus quod si aliquo casu contingat nos vel successores nostros contra istas appropriacionem et confirmacionem auctoritate ordinare seu eciam delegat[is] venire cadamus a jure proprietate et possessione ecclesie de Boelton Ita quod ad ipsos Abbatem et Conventum jus patronatus dicte ecclesie et antiqua pensio sicut prius libere et pacifice sine reclamacione et contradiccione aliqua revertatur In cujus rei testimonium et confirmacionem huic presenti scripto sigillum nostrum duximus apponendum Datum apud Eboracum tercio nonas Marcii anno gracie MCCXLVJ
Source (click image below to view full size)
