Charter Document - 05800053
| Charter Number: | 05800053 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1249 |
| Date type: | Internal, A.D. |
| Resource Link(s): |
|
Charter:
Universis sancte matris Ecclesie filiis hoc presens scriptum visuris vel audituris Walterus Decanus et Capitulum Eboraci salutem in vero salutari Universitate vestre notum facimus quod nos assensum et concensum preb[u]imus confirmacioni quam venerabilis Pater noster Walterus Dei gracia Eboraci Archiepiscopus Anglie primas fecit Abbati et Conventui Sancti Martini Sagii et Priori et monachis Ecclesie Sancte Marie de Lancastr[e] super ecclesiam de Lancastr[e] cum decimis terris et Capellis ad dictam Ecclesiam spectantibus et super medietatem Ecclesie de Pulton et Capelle de Biscopham quas in presenciarum possident et eciam super appropriacione alterius medietatis Ecclesie de Pulton et Capelle de Biscopham cum illam vacare contigerit et super pensione dimidie marce de ecclesia de Hesham Prebuimus eciam assensum et consensum confirmacioni quam prefatus venerabilis pater noster fecit Archidiacono Richem[und] imperpetuum super Ecclesia de Boulton post mortem vel cessionem Johannis de Morton clerici qui eam optinet In cujus rei testimonium presenti scripto sigillum capituli nostri dignum duximus apponendum Datum apud Eboracum Anno Domini MCC quadragesimo nono die cene
Source (click image below to view full size)
