Charter Document - 05800052
| Charter Number: | 05800052 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1246 |
| Date type: | Internal, A.D., Calendar |
| Resource Link(s): |
|
Charter:
Universis sancte matris Ecclesie filiis has litteras visuris vel audituris Johannes Romanus Archidiaconus Richem[ond] salutem in eo qui vera est salus Cum omnes prelati sanctam Religionem plantare et plantatam [fovere et] augmentare teneantur nos attendentes humilitatem et honestatem Abbatis et Conventus Sancti Martini Sagii Prioris et monachorum Lancastrie et statum ejusdem Prioratus et cum nostri sit officii beneficia que a fidelibus sacris locis et religiosis pro salute animarum [suarum] in elemosinam perpetuam in Archidiaconatu nostro dinoscuntur esse collata tenere et perpetuis firmare munimentis Nos deum pre oculis habentes divine pietatis intuitu dictis Abbati et Conventui Priori et monachis Lancastr[ie] ecclesiam beate Marie de Lancastre cum omnibus terris decimis possessionibus et capellis ad dictam ecclesiam spectantibus videlicet cum Capellis de Gersingham et Katona et de Overton et specialiter Capellam de Stalmine et medietatem Ecclesie de Pulton et de Biscopham quas in presenciarum possident eisdem confirmamus Volumus et concedimus quod dicti Abbas et Conventus Prior et monachi Lancastri[e] aliam medietatem dictarum Ecclesie de Pulton et capelle de Biscopham [cum illam Vicariam contigerit] illam in proprios usus eis a nobis appropriatam teneant imperpetuum et possideant Ita tamen quod cum ambe partes eis accreverint fiat ibi Vicarius qui ad estimacionem bonorum virorum xx marcas nomine Vicarie percipiet et omnia honera dictam Ecclesiam et Capellam contingencia debita et consueta sustinebit et per predictos Abbatem et Conventum ad dictam Vicarium Archidiaconus Richem[und] qui pro tempore fuerit presentabit et curam animarum recipiet ab eodem Volumus preterea et concedimus quod ipsi ecclesiam suam Lancastrie cum pertinenciis predictis ita teneant et possideant sicut antea tenuerunt Pensionem vero dimidie Marce argenti quam percipiunt in Ecclesia de Hesham de qua sunt patroni eisdem confirmamus [Et ut hec omnia predicta rata et inconcussa imperpetuum permaneant] presenti scripto sigillum nostrum dignum duximus apponendum Datum apud Eboracum tercio nonas Marcii Anno grace MCC quadragesimo sexto
Source (click image below to view full size)
