Charter Document - 05800050
| Charter Number: | 05800050 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1246 |
| Date type: | Internal, A.D., Calendar |
| Resource Link(s): |
|
Charter:
Universis presentes litteras inspecturis Magister Radulfus de Maceriis Ricardus persona de Hugate Johannes de Hesel clericus salutem in domino Noverit universitas vestra quod cum contencio verteretur inter venerabiles viros Johannem Romanum Archidiaconum Richem[ond] et Abbatem et Conventum Sagiensem coram prioribus de Kyrkeham et de Bridlyngton Judicibus a domino papa delegatis super quibusdam Prioratum Lancastr[ie] contingentibus tandemdicte partes in nos tanquam inordinatores compromiserunt de predictis et nos habito diligenti tractatu et prudentum virorum consilio ordinando pronunciavimus in hunc modum videlicet quod jus patronatus cum pensione trium marcarum et omni jure quod habuerunt Abbas et Conventus Sagienses in Ecclesia de Boulton in Lonesdale Archidiaconatus Richem[ond] cedet imperpetuum et quod medietas Ecclesie de Pulton cum pertinenciis quam possidet Alexander de Staunford cum vacaverit Prioratui de Lancastr[ia] cedet imperpetuum in proprios usus Ita tamen quod tunc in dicta ecclesia per bonos viros ex utraque parte electos vicaria precii xx marcarum de bonis ejusdem Ecclesie taxetur ad quam Abbas et Conventus Sagienses clericum suum presentabunt imperpetuum qui inveniet hospicium Archidiaconi et omnia alia honera sustinebit debita et consueta Ordinavimus eciam quod dictus Archidiaconus Ecclesiam de Lancastria cum suis pertinenciis dicto Prioratui imperpetuum possidendam sicut autea possiderunt confirmet et quod nec ipse nec successores sui ipsos ad vicariam constituendos in eadem nisi eis placuerit compellant Salvo tamen dicto Archidiacono et successoribus suis in omnibus jure Archidiaconali in eadem et quod utraque pars perpetue securitati alterius partis quatenus poterit providebit et hoc fideliter et efficaciter procurabit In cujus rei testimonium presenti scripto signa nostra apposuimus Actum Eboraci iij nonas Marcii Anno gracie MCCxlvj
Source (click image below to view full size)
