Charter Document - 05800041

Innocencius Episcopus servus servorum Dei dilecto filio Gilberto Abbati Monasterii Sancti Martini Sagiensis ejusque successoribus regulariter promovendis imposterum Que ad perpetuam ecclesiarum vel cenobiorum utilitatem sunt a sanctis patribus instituta nulla debent improbitate convelli nulla temporum varietate imitari se et quanto apostolice sedi ab universis ecclesiis major reverencia exhibetur tanto magis in earum tuicione nos oportet esse sollicitos et earum quietu debemus attencius providere Dignum namque est et honestati conveniens esse cognoscitur ut qui ad ecclesiarum regnum assumpti sumus eas et a pravorum hominum nequiciis tueamur et Sancte Romane Ecclesie patrocinio confovere curemus Proinde dilecte in domino fili Gilberte Abbas tuis racionabilibus postulacionibus clementer annuimus et beati Martini monasterium cui auctore domino presides apostolice sedis privilegio communimus statuentes ut quascunque possessiones quecunque bona idem Monasterium presenciarum juste et canonice possidet aut in futurum concessione pontificum largicione regum liberalitate principum oblacione fidelium seu aliis justis modis prestante domino poterit adipisci firma tibi tuisque successoribus imperpetuum et illibata permaneant quecunque eciam in terris cultis vel incultis silvis pratis pascuis ecclesiis aquis et aquarum decursibus seu aliis possessionibus ab illustri viro Hugoni Montis Gomerici ejusque fratribus Rogero Roberto Comitibus seu aliis Dei fidelibus in Anglia pia vobis devocione collata et scriptis illustrium Anglorum Regum firmata monasterio nestro presenti scripto firmamus Decernimus ergo ut nulli omnino hominum fas sit prefatum monasterium temere perturbare aut ejus possessiones auferre vel ablatas retinere minuere seu quibuslibet molestiis fatigare sed omnia integra serventur eorum proquorum gubernacione et sustentacione concessa sunt usibus omnimodis profutura Si qua igitur imposterum ecclesiastica secularis sue persona hanc nostre constitucionis paginam sciens contra eam temere venire temptaverit Si secundo tercio ue commonita reatum suum congrua emendacione non correxerit potestatis honorisque sui dignitate careat reamque se divino judicio existere de perpetrata iniquitate cognoscat et sacratissimo corpore et sanguine Dei ac Domini nostri Jhesu Christi aliena fiat Cunctis autem eidem loco sua jura servantibus sit pax domini nostri Jhesu Christi quatenus et hic fructum bone accionis percipiant et apud districtum Judicem premia eterne pacis inveniat Amen Datum Laterani per manus Aimerici Sancte Romane Ecclesie Diaconi Cardinalis et Cancellarii v nonis Maii indiccione ij Incarnacionis dominice anno MCxxxiij Pontificatus vero Domini Innocencii secundi pape x