Charter Document - 05800038
| Charter Number: | 05800038 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Papal |
| Charter Type(s): | Indulgence |
| Date: | 1260 |
| Date type: | Internal, Calendar, Papal |
| Resource Link(s): |
|
Charter:
Alexander Episcopus servus servorum Dei universis Christi fidelibus presentes literas inspecturis salutem et apostolicam benedictionem Licet is de cujus munere venit ut sibi a fidelibus suis digne ac laudabiliter serviatur de habundancia pietatis que merita supplicium excedit et nota bene servientibus multo majora retribuat quam valeant promereri volentes tamen domino populum acceptabilem reddere Christi fideles ad complacendum ei quasi quibusdam illectivis muneribus indulgenciis scilicet et remissionibus invitamus ut exinde reddantur divine gracie apciores Cupientes itaque ut ecclesia Monasterii de Lancastr[e] ordinis Sancti Benedicti Eboracensis diocesis congruis honoribus frequentetur omnibus vere penetentibus et confessis qui ad ecclesiam ipsam in festivitatibus beate Marie virginis in cujus est prout asseritur dedicata honore ac in anniversario die dedicacionis ejusdem ecclesie causa devocionis accesserint annuatim de omnipotentis Dei misericordia et beatorum Petri et Pauli Apostolorum ejus auctoritate confisi centum dies de injunctis sibi penitenciis misericorditer relaxamus Datum Anagnie Nonis Marcii Pontificatus nostri Anno sexto
Source (click image below to view full size)
