Charter Document - 05800037
| Charter Number: | 05800037 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Papal |
| Charter Type(s): | Indulgence |
| Date: | 1142 |
| Date type: | Internal, Papal |
| Resource Link(s): |
|
Charter:
Innocencius Episcopus servus servorum Dei dilectis filiis Abbati et Conventui Monasterii Sancti Martini Sagien ordinis Sancti Benedicti salutem et apostolicam benedictionem Devocionis vestre precibus inclinati auctoritate nobis presencium indulgemus ut per reservaciones et inhibiciones quas nobis pretextu literarum super quorumcunque provisionibus a sede apostolica obtentarum per quas non sit plenum jus alicui acquisitum seu impetrandarum imposterum fieri contigerit nullum possit obstaculum interponi quominus ecclesia et alia ecclesiastica beneficia ad vestram collacionem spectancia cum vacuerint conferre ac ad ecclesias que ad presentacionem vestram pertinent personas ydoneas presentare libere valeatis nisi eedem litere impetrande plenam et expressam ac de verbo ad verbum de indulto hujusmodi et toto tenore ipsius fecerint mencionem Nulli ergo omnino hominum liceat hanc paginam nostre concessionis infringere vel ei ausu temerario contraire Si quis autem hoc attemptare presumpserit indignacionem omnipotentis Dei et beatorum Petri et Pauli Apostolorum ejus se noverit incursum Datum Anagnie xiij Kalendis Augusti Pontificatus nostri Anno xij
Source (click image below to view full size)
