Charter Document - 05800034

Noverint universi quod cum contencio mota esset inter fratrem Johannem Priorem Beate Marie Lanc[astrie] et ejusdem loci com monachos ecclesiam parroch[ialem] de Pulton in proprios usus habentes super decimis garbarum proveniencium de terris quas tenentes Abbatis et Conventus nunc de Whallay quondam Loci Benedicti de Stanlawe excolebant et excolunt in campis de Steynynges Hordern et Neuton infra parrochiam dicte ecclesie de Pulton existentibus quas dicti Prior et monachi ratione prefate ecclesie de Pulton ad se de jure communi asseruerunt pertinere ex una parte ac inter predictos Abbatem et Conventum nunc de Whallay quondam loci Benedicti de Stanlawe qui decimas predictas racione cujusdam concessionis perpetue dictorum Prioris et monachorum et confirmacionis Abbatis et Conventus Beati Martini Sagii ac eciam confirmacionis subsecute per Arch[idiaconum] Richem[undie] loci ordinarium pretendebant ad illos legitime pertinere ex altera Tandem de consilio communi amicorum per ordinacionem Magistri Roberti de Pykerynge tunc temporis offic[ialis] Eborac[ensis] cui partes totaliter et expresse se submiserunt post multas alteraciones predicta contencio sopita est in hunc modum videlicet quod dicti Abbas et Conventus nunc de Whallay quondam de Stanl[awe] percipient imperpetuum omnes decimas majores provenientes de quibuscunque terris suis tam nunc cultis quam imposterum ad culturam redigendis infra divisas de Stanynges de Hordern et de Neuton supradicte ecclesie de Pulton decimalibus sive dicte terre infra divisas predictas per eosdem Abbatem et Conventum sive per eorum tenentes integraliter excolantur sive pars earundem terrarum [] dictos Abbatem et Conventum pars vero alia terrarum hujusmodi infra memoratas divisas pertinentes excolatur De minoribus vero vel personalibus et oblacionibus quibuscunque tenencium eorundem Abbatis et Conventus infra dictas divisas seu secularium serviencium suorum infra easdem divisas iidem Abbas et Conventus nichil omnino percipient sed omnes hujus modi decime minores et personales et oblaciones quecunque dictorum tenencium et secularium serviencium ad supradictam ecclesiam de Pulton et ipsos Priorem et monachos vel vicarium ecclesie de Pulton ipsius nomine de cetero integraliter pertinebant Quodque dicti Abbas et Conventus de Whallay quondam de Stanlawe pro predictis decimis majoribus ab eisdem ut premittitur percipiendis memoratis Priori et monachis Lanc[astrie] vel suo attornato litteram acquietancie deferenti in ecclesia parroch[iali] de Pulton decem et octo marcas solvant annis singulis imperpetuum ad duos anni terminos videlicet novem marcas ad festum Sancti Martini in hyeme et novem marcas ad Pentecosten Quam solucionem iidem Abbas et Conventus loco et terminis predictis fideliter et absque fraude et cujuslibet contradictionis diffugio facere teneantur sub pena unius marce fabrice ecclesie Beati Petri Eboracensis prestande singulis vicibus quibus cessaverint in solucione antedicta Et si forsan per taxacionem jam factam vel imposterum faciendam solucio aliqua vel contribucio aut quiquam aliud quocunque nomine censeatur de bonis ecclesiasticis per quantitatem vel quot etatem qualemcunque decetero exigatur imponatur aut per quemcunque superiorem seu clerum ali qu[ali]ter concedatur memorati Prior et monachi pro octo marcis tantum que eis de novo accrescunt et dicti Abbas et Conventus de residuo nomine decimarum majorum et pro ipsis quas percipient infra divisas predictas ut superius est expressum agnoscent et debite respondebunt tociens quociens fieri id continget cum decem marce de xviii marcis predictis inter bona ipsorum Prioris et monachorum per taxacionem jam factam in ecclesia de Pulton predicta taxat[a] noscantur Ad hec si dicti Abbas et Conventus racione sequestri in predictis decimis majoribus ob culpam Prioris et monachorum Lanc[astrie] vel Prioris tantum per ordinarium forsan imponendum dampnum aliquod sustinuerit vel jacturam dictusque Prior requisitus sufficienter hujusmodi sequestrum infra mensem a tempore requisicionis relaxari minime procuraverit ex tunc dictis Abbati et Conventui de jactura et dampno hujusmodi juramento part[is] dict[i] Abbatis et Conventus declarand[o] tociens quociens id contigerit ad dictum vel laudum offici[alis] curie Ebor[acensis] qui pro tempore fuerit competenter satisfacere teneatur Si vero memorati Abbas et Conventus in solucione dict[arum] octodecim marcarum suis loco et terminis prenotatis vel aliquo termino cessaverint ad solucionem dicte pecunie et nihilominus ad expensas et dampna que pars Prioris et monachorum ea occasione sustinuerit et juramento partis sue declaraverit per offic[ialem] predictum tociens quociens cessare contigerit compellantur Et ut hec convencio predicta in omnibus rata et inconcussa ex utraque parte permaneat dicti Prior et monachi Lanc[astrie] pro se et successoribus suis ex consensu Abbatis et Conventus Beati Martini Sagio et predicti Abbas et Conventus nunc de Whallay quondam de Stanlawe pro se et successoribus suis huic scripto in modo cyrographi confecto sigilla sua alternatim apposuerunt Renunciantes [] per sacramenta ab utraque parte corporaliter prefat[a] omnibus processibus super premissis vel aliquibus premissorum hinc inde habitis necnon omnibus excepcionibus defensionibus cavillacionibus appellacionibus supplicacionibus interpositis vel interponendis specialiter omni restitucioni in integrum et juri si quod sit quo cavetur non posse restitucioni in integrum renunciari ac eciam litteris impetratis vel impetrandis [in majori forma vel minori que communiter nominantur ea que de bonis et eciam recisioni contractus et supplecioni racione decepcionis ultra dimidium justi precii necnon omnibus aliis impetratis vel impetrandis] in quacunque curia ecclesiastica vel seculari omnique alii juris remedio per que forsan posset vel possent aliquis vel aliqui predictorum contra ea vel eorum aliquod que superius sunt expressa [de jure communi vel speciali] quovis modo venire Dat[um] apud Lancastre Octavo Kalendas Marcii Anno Domini MCC Nonagesimo octavo