Charter Document - 05800032

In Dei nomine Amen Universis tenore presencium innotescat quod cum inter nos Priorem et monachos Beate Marie Lanc[astre] ecclesiam parroch[ialem] de Pulton in nostros proprios usus habentes super decimis garbarum proveniencium de terris quas tenentes Abbatis et Conventus nunc de Whallay quondam Loci Benedicti de Stanlawe excolebant et excolunt in campis de Staynynges et de Hordern et de Neuton infra parrochiam dicte ecclesie de Pulton existentibus quas ad nos Priorem et monachos predictos racione prefate ecclesie de Pulton de jure communi asseruimus pertinere ex parte una ac inter nos Abbatem et Conventum nunc de Whallay quondam Loci Benedict[i] de Stanlawe qui decimas predictas racione cuiusdam concessionis perpetue dicti Prioris et monachorum et confirmacionis Abbatis et Conventus Beati Martini Sagii ac eciam confirmacionis subsecute per Archi[diaconus] Richemund[i] loci ordinarium per tendebamus ad nos legittime pertinere ex altera primo corum offic[iali] Domini Archi[diaconi] Richemund[i] et postmodum coram Domino offic[iali] curie Ebor[acensis] causa eadem sub audiencia predicti offic[ialis] Richemund[i] ad Ebor[acensem] curiam legitime devolut[a] questio fuisset mota et per quam plures annos hinc inde cum meditac[ionibus] auxiliis fatigacionibus laboriosis ac grandibus expensarum oneribus ventilata tandem de consilio communi amicorum nostrorum ad ipsum qui est auctor pacis et amator ut animarum nostrarum precaveatur periculis et vitentur lic[itu]m amfractus recursum proinde habentes necnon ad delectabile bonum pacis et quiet[is] pervenire optantes super dictis decimis garbarum et omnibus aliis provenien[tibus] et proventuris de quibuscunque terris scilicet predictorum Abbatis et Conventus nunc de Whalley quondam loci Benedicti de Stanlawe infra divisas de Staynynges de Hordern et de Neuton memorate ecclesie de Pulton decimalibus tam nunc cultis quam redigendis imposterum ad culturam necnon super dampnis et expensis habitis ut permittitur hinc inde et factis ex certa scientia totaliter specialiter et expresse concorditer et bona fide et sine aliquo scrupulo alte et basse pure et absolute reali ordinacioni arbitratum diffinicioni amicabili composicioni decreto statuto dicto precepto et laudo domini Officialis curie Ebor[acensis] de expresso consensu nostro spontanea non vi non dolo nec metu inducti Nos prior tam nomine nostro quam procuratorio pro Abbate et Conventu Sancti Martini Sagii nosque monachi Lancastr[ie] atque nos Abbas et Conventus nunc de Whallay quondam loci Benedicti de Stanlawe predicti pro nobis et successoribus nostris universis et singulis et pro jure ac utilitate ecclesie de Pulton et monasteriorum nostrorum tenore presencium supponimus nos submittimus et subicimus Ita quod liceat eidem Domino officiali estimanti apud se jura nostra et scrutanti nihilominus vota nostra in omnibus predictis et circa ea necnon quibuscunque aliis tangentibus predicta de plano absque strepitu judicii alte et basse realiter ordinare arbitrari diffinire vel amicabiliter componere decernere statuere laudare dicere percipere reservare compellere et exequi per omnia sicut ad pacem et quietem nostram et successorum nostrorum utramque illibatam perpetuam firmam et stabilem justius aut equius honestius aut securius putaverit faciendum Cujus ordinacionem realem arbitratum diffinicionem vel amicabilem compositionem decretum aut statutum seu dictum laudum vel preceptum quodcunque tam contra nos et successores nostros quam pro nobis et successoribus nostris hinc inde in omnibus et singulis supradictis Nos Prior et Abbas personaliter per nos Nosque monachi Beate Marie Lanc[astrie] per Michaelem de Kendal et nos Conventus nunc de Whallay quondam loci Benedicti de Stanlawe per fratrem Emfredum com monachum nostrum procuratores nostros ad jurandum in animas nostras speciale mandatum habentes jurant[is] juramentis corporalibus tactis sacrosanctis evangeliis prestitis pro nobis et successoribus nostris universis et singulis promittimus fideliter observare et imperpetuum adimplere Renunciantes specialiter et expresse per sacramenta predicta omnibus processibus super premissis vel aliquibus premissorum hinc inde habitis necnon omnibus excepcionibus defensionibus cavillationibus appellacionibus supplicacionibus interpositis vel interponendis specialiter omni restitutioni in integrum et juri si quod sit quo cavetur non posse restitucioni in integrum renunciari Ac eciam litteris impetratis vel impetrandis in majori forma vel minori que communiter nominantur ea que de bonis et eciam recisionis contractus et supplecioni rationi decepcionis ultra dimidium justi precii necnon omnibus aliis impetratis vel impetrandis in quacunque curia ecclesiastica vel seculari omnique alii juris remedio per que forsan posset vel possent aliquis vel aliqui nostrum contra ea vel eorum aliquod que dictus Dominus officialis duxerit realiter ordinanda arbitranda diffinienda decernenda vel amicabiliter componenda statuenda dicenda vel laudanda precipienda compellenda vel exequenda super predictis de jure communi vel speciali quovis modo venir[e] In quorum omnium testimonium nos Prior pro nobis ac monachis nostris ac nos Abbas pro nobis et Conventu nostro presentibus nostra fecimus appendi sigilla et ad fidem pleniorem sigillum officialitatis curie Ebor[acensis] procuravimus apponi Datum Eboraci septimo id Novembris Anno gratie MCC nonagesimo octavo