Charter Document - 05800028
| Charter Number: | 05800028 |
|---|---|
| Cartulary Title: | Materials for the History of the Church of Lancaster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1225 - 1275 |
| Date type: | Assigned |
| Resource Link(s): |
|
Charter:
Omnibus hoc presens scriptum visuris vel audituris frater W de Reio dictus Prior Lanc[astrie] eternam in Domino salutem Noverit universitas vestra nos communi assensu et consensu monachorum nostrorum concessisse Abbati et Conventui loci Benedicti de Stanlok omnes decimas garbarum infra divisas de Stayninges et de Horderne percipiendas pro decem marcis argenti annuatim nobis et ecclesie nostre apud Lanc[astre] a predictis Abbate et Conventu de Stanlok ad duos anni terminos imperpetuum persolvendis videlicet quinque marcis ad festum Sancti Martini in hieme et quinque marcis ad Pentecosten persolventur salvis nobis et successoribus nostris omnibus decimis omnium tenencium predictorum Abbatis et Conventus et eciam eorum secularium serviencium ad alteragium ecclesie nostra de Pulton spectantibus Si autem contingat dictos Abbatem et Conventum de Stanlok ad aliquem terminum imposterum in solucione deficere vice qualit[er] dimid[iam] marc[am] nomine pene fabrice ecclesie Sancti Petri Ebor[aci] persolvent Ad hec ergo firmiter et plenarie observand[a] subjecerunt se predicti Abbas et Conventus de Stanlok potestati et jurisdictioni Domini Archidiaconi Richem[undie] qui pro tempore fuerit ut eos poterit sine strepitu judiciali et juris ordine non observato tam ad debitum principale quam ad penam commissa auctoritate sua compellere et insuper renunciaverunt omni juris auxilio canonici et civilis privilegio clericatus et fori consuetudini et statut[is] actionibus de dolo et in factum et eciam excepcion[i] non numerate atque non tradite sibi pecunie et maxime regie prohibicioni et omnibus privilegiis impetratis et impetrandis et omnibus aliis excepcionibus que poterunt obiti contra instrumentum vel factum In cujus rei testimonium altera pars alterius scripto in mod[o] cirograph[i] inter eos confect[o] sigillum suum apposuit
Source (click image below to view full size)
