Charter Document - 05800024

Noverit universitas fidelium quod cum inter Priorem Lanc[astrie] agentem nomine sui Abbatis et Conventum Sagiensis ex una parte et Abbatem et Conventum de Cokersand ex altera coram Judicibus delegatis apud Lincoln[iam] questio verteretur proponente Priore quod idem Abbas et Conventus contra composicionem olim inter eos initam quosdam parrochianos dictorum Abbatis et Conventus Sagiensis ad sepulturam in eorum mon[asterio] et nonnullos qui ipsis Abbati et Conventui de Cokersand servierunt ad sacramenta ecclesiastica admiserunt et ab eis oblaciones et personales decimas receperunt parte ipsius Abbatis et Conventus de Cokersand se in hiis per privilegia apostolica excusante Demum partes in premissis se voluntati Domini Archidiaconi Richem[und] commiserunt ut ipse super motis questionibus inter eos amicabiliter ordinet et componat Qui inspectis composicione inter eos facta et privileges antedictis statuit ut in composicione cui per privilegia nullatenus derogatus in suo robore duratura pene commisse ab Abbate et Conventu de Cokersand pro eo quod contra predictam composicionem venerant hac vice relaxentur et quod ipsi Abbas et Conventus parrochianos Prioris Lanc[astrie] sine ipsius licencia ad sepulturam vel sacramenta ecclesiastica de cetero non admittant Si vero aliquis parrochianus dicti Prioris apud mon[asterium] de Cokersand sibi eligerit sepulturam solutis ecclesie cuius est parrochianus imibus qui debentur prior requisitus tumuland[um] eandem licenciam non negabet sed ab eius parrochianis eorum servientibus per eorum oblaciones aut personales decimas capi de cetero non permittet Si vero ipsos Abbatem et Conventum de Cokersand contingat dictam composicionem scienter iterum violare non solum ad penas ex ipsa violacione commissas tenebuntur sed eciam ad eas que nunc sunt de gratia relaxate Nec credatur de parrochianis Prioris Lanc[astrie] in Abacia de Cokersand continue servientibus quod emitti debeant pro spiritualibus capiendis sed de illis dumtaxat qui in Grangris videlicet in Karleton et Trefeld Staynol Preshesd et de Esstona infra parroch[ias] dicti prioris constitut[as] servientes die Pasche et aliis diebus quibus offerri consuevit non ad suas parroch[ianas] ecclesias ut deceret sed ad monasterium de Cokersand se transferunt et ibidem contra iusticiam offerentes et decimas dantes defraudent proprias ecclesias suo iure Si vero contingat dictum abbatem et Conventum de Cokersand de cetero habere aliquas Grangias sive mansiones infra diet[as] parroch[ias] de Lanc[astre] et Pulton servient[is] in eisdem facient pro se plenar[ie] in decimis personalibus et oblacionibus sicut et faciunt servientes in grangiis prenominatis commorant[is] Et sciendum quod omnes litigii amputacionem diet[us] prior concessit Abbati et Conventui memoratis quod ad solvendum decimas de oleribus et porrettis crescentibus in clauso suo apud Carleton decimas non exiget Si vero granum vel lignum aliud quodcumque severint in eodem de ipsis solvant decimas fideliter ut tenentur Et acceptata est predicta ordinacio a partibus salvis eisdem Abbati et Conventui suis privilegiis quo ad omnia que in premissa composicione non tanguntur In cuius accepcionis testimonium partes huic scripto cirograph[ato] signa sua cum signo Archid[iaconi] appenderunt Datum apud Burton in Kendal v Kal Decembris Anno Domini MCC quinquagesimo sexto