Charter Document - 05800020

Anno gratie millesimo cclix die martis proximo post festum Sancti Mathie Apostoli cum esset orta controversia inter Dominum Henricum Abbatem Leycest[rie] ex una parte et Dominum Garnerium Priorem Lanc[astrie] ex altera super decimis cujusdam assarti et super quibusdam minutis decimis quorundam hominum habitaneium super le Moshenesse dicta contraversia sub hac forma conquievit videlicet quod dictus Prior pro se concessit et quietum clamavit imperpetuum Abbati et Conventui Leycestr[ie] medietatem majorum decimarum dicti assarti fact[i] vel faciend[i] infra has divisas incipiente ad crucem que sita est juxta stratam regiam que ducit a Lanc[astre] usque Cokyrham et sic descendend[o] per vallem prox[imam] versus occidentem usque ad Musham et sic sequend[o] le Moshenese versus partem australem usque Fulslogh et sic sequendo Fulslogh usque ad siketum qui est sub assarto Raymer et sic sequend[o] illum siketum versus orientem usque in Flacfeld et sic de Flacfeld ascendend[o] per mediam vallem usque ad predictam crucem Aliam autem medietatem dictus Abbas Leyc[estrie] dicto Priori et successoribus suis et ecclesie sue de Lanc[astre] imperpetuum taliter concessit videlicet quod quolibet anno citra festum Beati Petri ad vincula procurabit prefatus Abbas vel ejus procurator apud Cokerham moram ficiens tres homines fidedignos et dictus Prior et ejus successores alios tres homines fidedignos qui sex jurati deponent de valore medietatis dictarum decimarum et precium dicte medietatis quolibet anno die Sancti Michaelis ad nundinas apud Lanc[astre] dictus Abbas vel ejus procurator dicto Priori et successoribus suis sub pena dimidie marc persolvet Predictus vero Prior Lanc[astrie] pro se omnes minutas decimas et omnes alias obvenciones hominum infra dictas divisas habitancium dictis Abbati et Conventui imperpetuum concessit pro hac concessione et quieta clamacione dictus Abbas vel ejus procurator dictis Priori et ecclesie Lanc[astrie] unam libram thuris ad festum Sancti Michaelis ad nundinas Lanc[astrie] annuatim persolvet si vero contingat quod Dominus de Thirnum qui pro tempore fuerit vaccarias vel Bercarias vel aliud genus stauri infra dictas divisas habuerit dictus Prior et ecclesia de Lanc[astre] medietatem decimarum inde proveniencium plenar[ie] percipient Memoratus vero Abbas Leycestr[ie] in verbo veritatis promisit quod consensum et sigillum conventus sui ad presentis scripti confirmacionem citra predictum festum Sancti Petri ad vincula proxime futurum fideliter procurabit et dictus Prior similiter ex parte sua in verbo veritatis promisit quod consensum et sigillum Abbatis et Conventus Sagii ad presentis scripti confirmacionem citra predictum festum Beati Petri fideliter procurabit et ad majorem hujus rei securitatem confectum est istud scriptum ad mod[um] cyrograph[i] et sigillo utriusque partis mutuo signatum Hiis testibus Domino Roberto de Lathum tunc temporis vicecomite Lanc[astrie] Domino Willelmo de Furneys milite Domino Johanne de Lee milite Thoma de Coupmanwra Magistro Willelmo de Kyrkham Domino Philippo persona de Croston Gervasio fratre suo Ricardo Pincerna Ada de Heeton et aliis