Charter Document - 05800015

Charter Document - 05800015


Charter Number: 05800015
Cartulary Title: Materials for the History of the Church of Lancaster
Charter Language: Latin
Charter Origin: Lay
Charter Type(s): Grant
Date: 1287
Date type: Internal, Feast, Regnal
Resource Link(s):

Charter:

Omnibus Christi fidelibus hoc presens scriptum visuris vel audituris Sihereda fil Siered filie Anfridi filii Fuleonis le Neuler de Lanc[astre] salutem in Domino Noveritis me in pura virginitate mea concessisse remisisse et hoc presenti scripto meo confirmasse Domino Radulpho de Truno Priori ecclesie Sancte Marie de Lanc[astre] et omnibus suis successoribus et monachis ibidem Deo et Beate Marie servientibus factum et quietam clamacionem quam Syhereda mater mea fecit Domino Willelmo de Reo quondam Priori ecclesie Beate Marie Lanc[astrie] sicut scriptum dicte Syherede matris mee quod predictus Radulphus Prior ecclesie Beate Marie Lanc[astrie] et monachi dicte ecclesie penes se habent racionabiliter testatur de toto jure suo et clamio quod habuit vel aliquo modo juris habere poterit in tota terra de Roubrok et de Lanc[astre] cum pertinentiis unde dicta Syhereda mater mea traxit quondam dictum Willelmum Priorem Lanc[astrie] in placitum per breve Domini Regis de Recto in Comitatu Lanc[astrie] Ita videlicet quod nec ego Syhereda nec heredes mei nec aliquis nomine nostro aliquod jus vel clamium in predicta terra nec in aliquibus terris et tenementis dictis ecclesie Priori et monachis quoquo modo spectan[tibus] nomine hereditario vel aliquo alio titulo juris exigere de cetero vel vendicare poterimus In cujus Rei testimonium huic presenti scripto pro me et heredibus meis sigillum meum apposui Hiis testibus Dominis Roberto de Holand Johanne de Byronne militibus Gilberto de Clyfton tunc vicecomite Lanc[astrie] Henrico de Kygheley Orm de Kellet Johanne de Oxclyve Willelmo filio suo Thoma Travers Johanne de Gentyll et aliis Datum apud Lan[castre] die Martis in crastino Sancti Mathie Apostoli Anno Regni Regis Edwardi xv

Source (click image below to view full size)