Charter Document - 05800010

Universis sancte matris ecclesie filiis ad quos presens scriptum pervenerit Rogerus Gernet de Halton miles Salutem eternam in Domino Noverit Universitas vestra me ex inspeccione confirmacionum Regum Anglie et cartarum Domini Rogeri Pictavensis fundatoris ecclesie Beate Marie Lancastre necnon et cartarum et confirmacionum Hugonis Galfridi et Alexandri Bone memorie coventrensium Episcoporum perpendisse jus patronatus ecclesie de Eccleston cum pertinentiis in Leylondssire Abbati et Conventui de Sagio et ecclesie Beate Marie Lanc[astre] et monachis ibidem Deo et Beate Marie servientibus de jure pertinere Hac igitur ductus ratione pro salute anime mee antecessorum meorum et successorum meorum totum jus et clamium quod habui vel habere potui in advocacione jam dicte ecclesie de Eccleston dictis Abbati et Conventui de Sagio et monachis Lanc[astre] a me et omnibus heredibus meis imperpetuum quietum clamavi ita quod nec ego nec aliqui heredum meorum nunquam jus vel clamium in advocacione supradicte ecclesie exigere poterimus super advocacione memorate ecclesie pro me et omnibus heredibus meis impetrata et impetranda contra prefatum Abbatem et Conventum et monachos imperpetuum renunciand[o] Et ut ista quieta clamacio rata stabilis et inconcussa imperpetuum permaneat presens scrip tum sigilli nostri munimine roboravi Hiis testibus Domino Roberto de Lathum tunc temporis vicecomite Lanc[astrie] Domino Matheo de Redeman Domino Johanne de Mara Domino Johanne de Lee Domino Willelmo de Clyfton Domino Ada de Bury Warino de Waleton Ricardo Pincerna Thoma de Coupmanwra Ada de Kellet Ada de Ursewyk Rogero de Hesham Rogero Gernet de Caton Philippo Rectore ecclesie de Croston cum multis aliis