Charter Document - 05790007

Sciant presentes et futuri quod ego Nicholaus de Colcestria ad instanciam et peticionem Petronille uxoris mee et heredis Willelmi de Venella de Suberia dedi concessi et hac presenti carta mea confirmaui Gileberto priori ecclesie sancti Bartholomei extra Suberiam et monachis ibidem deo seruientibus duas acras terre aribilis cum omnibus pertinenciis suis uersus uillam de Meleford illas uidelicet que abutant unum capud super terram dictorum monachorum et aliud capud super chiminum uiride quod tendit uersus molendinum de Holegate Habendas et tenendas de me et heredibus meis in perpetuum ipsis et successoribus eorum Reddendo inde singulis annis quatuor denarios ad duos terminos scilicet ad Pascha duos denarios et ad festum sancti Michaelis duos denarios pro omnibus seruiciis et exaccionibus consuetudinibus et demandis et cuiuscumque curie sequelis Pro hac autem concessione donatione et presentis carte mee confirmatione dederunt michi predicti prior et monachi tres marcas argenti in gersumam et Petronille uxori mee duodecim denarios ad augmentum presentis cognicionis Et ego dictus Nicholaus et heredes mei warantizabimus duas predictas acras terre cum suis pertinenciis dictis priori et monachis et successoribus eorum per predictum seruicium contra omnes gentes in perpetuum Ut autem hec mea concessio et donatio et presentis carte mee confirmatio futuris temporibus robur firmitatis optineat presenti scripto sigillum meum apposui Hiis testibus Gileberto filio Aldredi Michaele filio Walteri Willelmo de Liketune Willelmo filio Warini Willelmo Uisdeluy Ricardo Rusello tunc seruiente de Sub[eria] Ricardo filio Mathei Ricardo Longo Samanno fabro Alexandro Paulin Willelmo aurifabro et multis aliis