Charter Document - 05790006
| Charter Number: | 05790006 |
|---|---|
| Cartulary Title: | Charters of St. Bartholomew's Priory, Sudbury |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Nicholaus filius Thome de Colecestria assensu et uoluntate Petronille uxoris mee que fuit filia et heres Willelmi de Uenella de Suberia dedi concessi et hac presenti carta mea confirmaui Roberto de Sturemere capellano de Stanburne quandam particulam terre arabilis continentem unam acram et dimidiam iacentem in campis de Suberia videlicet inter terram Willelmi filii Alexandri et terram Johannis Iay et abutat unum capud super terram monachorum Sancti Bartholomei et aliud capud super terram eorundem monachorum uersus boscum domini comitis Gloucestr[ie] habendam et tenendam de me et heredibus meis iure perpetuo ipsi Roberto uel cuicumque illam dare legare uel assignare uoluerit reddendo inde annuatim quinque denarios ad duos terminos michi et heredibus meis scilicet ad Pascha duos denarios et obolum et ad festum sancti Michaelis duos denarios et obolum pro omnibus seruiciis et demandis et exaccionibus Pro hac autem donacione concessione et presentis carte mee confirmacione dedit michi predictus Robertus triginta et sex solidos legalium sterlingorum et octo denarios in gersumam Et ego predictus Nicholaus et heredes mei warantizabimus predictam terram cum omnibus pertinenciis suis iamdicto Roberto uel cuicumque illam dare legare uel assignare uoluerit per predictum seruicium contra omnes homines et feminas in perpetuum Et eundem Robertum a sequela curie Suberie aquietabimus Et ut hec mea donacio confirmacio et presentis carte mee testimonium robur firmitatis futuris temporibus optineat presenti scripto pro me et heredibus meis duxi apponendum sigillum meum Hiis testibus Gileberto filio Aldredi Michaele filio Walteri Willelmo de Lichetun Willelmo filio Warini Ricardo longo Ricardo filio Mathei Rogero de Cantewell Samanno fabro Galfrido carpentario et multis aliis
Source (click image below to view full size)
