Charter Document - 05790003
| Charter Number: | 05790003 |
|---|---|
| Cartulary Title: | Charters of St. Bartholomew's Priory, Sudbury |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 - 1223 |
| Date type: | Assigned |
| Resource Link(s): |
|
Charter:
Omnibus ad quos presens scriptum peruenerit Gilebertus Mauduit salutem Nouerit uniuersitas uestra me concessisse et dedisse pro amore dei et salute anime mee et antecessorum et successorum meorum deo et monastario Sancti Bartolomei extra Suberiam constructo et monachis ibi deo seruientibus in puram et perpetuam elemosinam annuum reditum duodecim denariorum illorum scilicet quos Warinus clericus de Suberia mihi facere debuit pro duabus acris prati aput Dagfen quas [dedi] eidem Warino et heredibus suis pro homagio et seruicio suo mihi prefacto Habendas et tenendas iure hereditario per annuum seruicium duodecim denariorum pro omni seruicio et consuetudine et exaccione ad me et ad heredes meos pertinente Volo igitur et firmiter statuo ut predicti monachi habeant inperpetuum predictum reddictum ita libere et quiete integre bene et pacifice quod nec ego nec aliquis heredum meorum possit a predictis monachis vel a predicto Warino vel heredibus suis pro predicto prato quacumque occasione aliqu[id] aliud seruicium exigere Ego etiam et heredes mei warantizabimus prefatis monachis predictum redditum contra omnes homines et omnes feminas Igitur ut hec mea concessio stabilis et firma permaneat eam presenti scripto et sigilli mei posicione corroboraui Hiis Testibus Willelmo Carbonel Johanne de Goldiggeham Thoma Carbonel Ricardo de Bellocampo Ricardo de Suberia clerico Alexandro filio Gileberti Ricardo et Adam filiis eius Matheo filio Ricardi Waltero filio Gileberti de Mideltun Willelmo filio Roberti Ricardo filio Beatricis Alano filio eius Willelmo Le Bret
Source (click image below to view full size)
